16:48 ԲՈՐՈՒՍԻԱՅԻ ՖՈՒՏԲՈԼԻՍՏՆԵՐԸ ԵՐԿՐՊԱԳՈՒՄ ԵՆ ԲԱՎԱՐԻԱՅԻՆ | |
Դորտմունդի Բորուսիայի լեհ լեգիոներները հայտարարել են, որ Չեմպիոնների լիգայի կիսաեզրափակիչ Բավարիա-Ռեալ դիմակայությունում երկրպագելու են իրենց սկզբունքային մրցակցին` Մյունխենի Բավարիային: "Ես երկրպագելու եմ Բավարիային, քանի որ այն գերմանական ակումբ է: ՈՒԵՖԱ-ի վարկանիշային աղյուսակում Գերմանիային միավորներ են հարկավոր",Բորուսիայի լեհ պաշտպան Լուկաշ Պիշչեկի խոսքերը մեջբերում է Goal.com-ը: Բորուսիայի մյուս լեհ հարձակվող Ռոբերտ Լևանդովսկին հայտարարել է, որ չէր ցանկանա ականատես լինել Բարսելոնա-Ռեալ եզրափակչի: "Չեմ ցանկանում դիտել իսպանական եզրափակիչ: Կարծում եմ Բավարիան կհաղթահարի Ռեալի արգելքը",ասել է Լևանդովսկին: Բավարիային եզրափակչում ցանկանում է տեսնել նաև դորտմունդցիների մեկ այլ լեհ ֆուտբոլիստ` Յակուբ Բլաշիկովսկին: "Գերմանական ֆուտբոլի համար շատ կարևոր է , որպեսզի Բավարիան հասնի եզրափակիչ: Միանշանակ երկրպագելու եմ Բավարիային և հուսով եմ, որ նրանք կհաղթեն Ռեալին: Չնայած, որ Ռեալը նույնպես բավականին բարձրակարգ թիմ է և կարող է հաղթել Բավարիային', նշել է Բլաշիկովսկին: | |
|
Մեկնաբանություններ: 3 | ||||||||
|