04:20 Բրազիլիա – Գերմանիա `1:7. խոսքերն ավելնորդ են. տեսանյութ | |
Բրազիլական Բելո Հորիզոնտե քաղաքում տեղի ունեցավ աշխարհի առաջնությունների պատմության ամենապատմական հանդիպումներից մեկը: 2014 թվականի աշխարհի առաջնության կազմակերպիչ երկրի` Բրազիլիայի հավաքականը հանդիպեց Գերմանիայի ընտրանու հետ: Որքան էլ, որ տարօրինակ թվա` գերմանացիները 7:1 հաշվով խայտառակ պարտության մատնեցին բրազիլացիներին: Արդեն 11-րդ րոպեին անկյունայինի խաղարկումից հետո Թոմաս Մյուլլերը բացեց խաղի հաշիվը: 23-ից մինչև 29-րդ րոպեն ընկած ժամանակահատվածում Յոհաիմ Լյովի սաները ևս 4 գոլ ուղարկեցին Ժուլիո Սեզարի պաշտպանած դարպասը և շոկային իրավիճակի մեջ դրեցին ամբողջ Բրազիլիային: Սկզբում աչքի ընկավ Միրոսլավ Կլոզեն, ով 16 գոլով դարձավ աշխարհի առաջնությունների պատմության լավագույն ռմբարկուն: Հետո դուբլով աչքի ընկավ Տոնի Կրոսը, իսկ 5-րդ գոլը հեղինակեց Սամի Խեդիրան: Երկրորդ խաղակեսի սկզբնամասում բրազիլացիները աչքի ընկնելու համար մի քանի հիանալի հնարավորություն ստեղծեցին, սակայն իրեն հիանալի դրսևորեց Մանուել Նոյերը և իր թիմին փրկեց վերահաս գոլերից: Հետագայում փոխարինման դուրս եկած Անդրե Շյուռլեն 6-րդ և 7-րդ գնդակները ուղարկեց հուսահատված բրազիլացիների դարպասը: Այդուհանդերձ բրազիլացիներին հաջողվեց հեղինակության գոլ խփել: 90-րդ րոպեին աչքի ընկավ Օսկարը: [b]Բրազիլիա – Գերմանիա`1:7[/b] | |
|
Մեկնաբանություններ: 0 | |