Գերմանիան կրկին չկարողացավ հաղթել Իտալիային. տեսանյութ

Գլխավոր » 2013 » Նոյեմբեր » 16 » Գերմանիան կրկին չկարողացավ հաղթել Իտալիային. տեսանյութ

16:46 Գերմանիան կրկին չկարողացավ հաղթել Իտալիային. տեսանյութ
Միլանում միմյանց հետ մրցեցին Իտալիայի և Գերմանիայի հավաքականները, սակայն այս անգամ երկու սկզբունքային մրցակիցների մրցավեճը ընկերական բնույթ էր կրում: Չնայած նրան, որ Գերմանիայի հավաքականը ահռելի առավելություն ուներ իտալացիների նկատմամբ, այդուհանդերձ խաղն ավարտվեց ոչ-ոքի արդյունքով: Արդեն 7-րդ րոպեին Մաթս Հյումելսը գլխի հրավածով առաջ մղեց բունդեսթիմին: Քիչ անց Սամի Խեդիրան փորձեց դարպասաձողի ամրությունը: 27 –րդ րոպեին Իտալիայի հավաքականը իր հազվադեպ գրոհներից մեկը ավարտեց գոլով: Աչքի ընկավ Իգնասիո Աբատեն: Դրանից հետո Գերմանիան արագորեն կարող էր կրկին առաջ ացնել հաշվի մեջ, սակայն Շյուռլեի հարվածից հետո գնդակը կրկին հետ մղվեց հորիզոնական դարպասաձողից: Երկրորդ խաղակեսի սկզբնամասում մի փոքր ավելի ակտիվ էին տանտերերը, սակայն լուրջ գոլային պահեր նրանց չէր հաջողվում ստեղծել Մանուել Նոյերի պաշտպանած դարպասի մոտ: Խաղավերջում գերմանացիները լիովեին տիրեցին առավելությանը և հանդիպման հիմնական ժամանակին ավելացված լրացուցիչ վերջին րոպեին կարող էին 18 տարվա դադարից հետո վերջապես հաղթանակի հասնել Իտալիայի ընտրանու նկատմամբ,սակայն Ռոյսի հարվածից հետո իտալացիներին նորից փրկության «ձեռք» մեկնեց դարպասաձողը: Իտալիա – Գերմանիա՝1:1 Գոլեր՝ Աբատե 27՛ - Հյումելս 7՛
1 2 3 4 5 Դիտումներ: 454 \| Ավելացրեց: Oliver \| Վարկանիշ: 0.0/0