Գերմանիայի հավաքականի պաշտպան Ֆիլիպ Լամը կարծում է, որ Պորտուգալիայի հավաքականի առաջատար Կրիշտիանու Ռոնալդուն շատ է ցանկանում երբևէ հաղթել իրենց:

«Կարծում եմ` Ռոնալդուն ցանկանում է երբևէ հաղթել մեզ: Գերմանիա-Պորտուգալիա խաղում պարտվողը մեծ ճնշման է ենթարկվելու»,-Լամի խոսքը մեջբերել է «Kicker»-ը:

2006 թվականից ի վեր Գերմանիան և Պորտուգալիան միջազգային մրցաշարերում մրցել են երեք անգամ, երեք դեպքում էլ հաղթել են գերմանացիները: Թիմերի միջև առաջիկա հանդիպումը կայանալու է Աշխարհի առաջնության խմբային փուլի շրջանակում, հունիսի 16-ին:

Հիշեցնենք նաև` ավելի վաղ Գերմանիայի հավաքականի գլխավոր մարզիչ Յոահիմ Լյովը վստահացրել էր, որ Ֆիլիպ Լամի և Ջերոմ Բոատենգի շնորհիվ կկարողանան չեզոքացնել Կրիշտիանու Ռոնալդուին:

Allsport.am