Գերմանական ֆուտբոլի լեգենդ Ֆրանց Բեկենբաուերը անդրադարձել է ՖԻՖԱ-ի նախագահ Զեպ Բլատերի հայտարարությանը: Հիշեցնենք, որ ՖԻՖԱ-ի նախագահ Զեպ Բլատերը կասկածանք է հայտնում, որ 2006 թ աշխարհի առաջնության անցկացման իրավունքը Գերմանիան ստացել է ոչ միայն օբյեկտիվ պատճառներով:

" Ես չեմ հասկանում պարոն Բլատերի ակնարկները: Ինքը նույնիսկ սխալ է նշում քվեարկության արդյունքները: Արդյունքը ոչ թե 9:10 էր, այլ 11:12: Որոշիչը այն էր, որ 12 կողմ քվեարկածներից 8 անդամը առանց մեկ վայրկյան վարանելու կողմ քվեարկեցին:" նշել է Բեկենբաուերը: