ՌՈԲԵՆԸ ԶԻՋՈՒՄ Է ԲԱՎԱՐԻԱՅԻ ՄՅՈՒՍ ՖՈՒՏԲՈԼԻՍՏՆԵՐԻՆ. ԶԱՄՄԵՐ

Գլխավոր » 2013 » Հունվար » 29 » ՌՈԲԵՆԸ ԶԻՋՈՒՄ Է ԲԱՎԱՐԻԱՅԻ ՄՅՈՒՍ ՖՈՒՏԲՈԼԻՍՏՆԵՐԻՆ. ԶԱՄՄԵՐ

13:34 ՌՈԲԵՆԸ ԶԻՋՈՒՄ Է ԲԱՎԱՐԻԱՅԻ ՄՅՈՒՍ ՖՈՒՏԲՈԼԻՍՏՆԵՐԻՆ. ԶԱՄՄԵՐ
Կիրակի օրը Գերմանիայի առաջնության 19-րդ տուրի «Շտուտգարտի» հետ հանդիպման ժամանակ Մյունխենի «Բավարիայի» հոլանդացի կիսապաշտպան Արյեն Ռոբենն իր դժգոհությունն է հայտնել, քանի որ մարզիչները ոչ միայն նրան չեն ընդգրկել մեկնարկային կազմում, այլև փոխարինման չեն հանել։ Փոխարինողների մարզման ժամանակ նա արտահայտվել է դրա մասին բավականին կոշտ տոնով, ինչի հետևանքով գլխավոր մարզիչ Յուպ Հայնկեսի օգնական Պետեր Հերմանը նրան նկատողություն է արել։ Ի պատասխան Ռոբենն ասել է, որ Հերմանը «սխալ հասցեով է դիմում»։ Յուպ Հայնկեսը մեկնաբանել է այս իրավիճակը՝ նշելով, որ թիմի համար կարևորը ոչ թե Ռոբենի խաղային ժամանակն է, այլ արդյունքը. ««Բավարիայի» համար կարևորը հաղթանակն է, այլ ոչ է առանձին վերցված ֆուտբոլիստի խաղային 20 րոպեն»։ Արձագանքել է նաև ակումբի մարզական տնօրեն Մատիաս Զամերը. «Ներկայում ամեն ինչ Ռոբենի դեմ է։ Նա զիջում է «Բավարիայի» մյուս ֆուտբոլիստներին», – նշել է անվանի նախկին ֆուտբոլիստը։ Այս մասին հաղորդում է Kicker-ը։ Sportarmenia.com
1 2 3 4 5 Դիտումներ: 441 \| Ավելացրեց: Oliver \| Վարկանիշ: 5.0/1