Գերմանիայի առաջնության 3-րդ տուրում առաջատար Բավարիան սեփական հարկի տակ 3:1 հաշվով առավելության հասավ Մայնցի նկատմամբ և երեք տուրերում վաստակելով 9 միավոր միանձնյա գլխավորեց մրցաշարային աղյուսակը: 

Հաղթանակներ տոնեցին նաև չեմպիոնության ևս երկու հավակնորդներ` Դորտմունդի Բորուսիան և Շալկե 04-ը: Երկրի գործող չեմպիոն Բորուսիան սեփական հարկի տակ 3 անպատասխան գնդալ ուղարկեց Լևերկուզենի Բայերի դարպասը, իսկ ահա Շալկե 04-ը հյուրընկալվելիս 2 անպատասխան գնդակ ուղարկեց առաջնության նորեկ` Գրոյտեր Ֆյուրտի դարպասը: Այսօր կկայանան տուրի ևս երկու հանդիպումներ: 

Ֆրայբուրգը կմրցի Հոֆենյամի հետ, իսկ տուրի վերջին խաղում Ֆրանկֆուրտի Այնտրախտը, որը առաջին երկու տուրերից հետո երկու հաղթանակ էր տարել, այս տուրում սեփական հարկի տակ կընդունի Համբուրգին: Ֆրանկֆուրտցիները հաղթանակ տոնելու դեպքում միավորներով կհավասարվեն առաջատար Բավարիային:

Բավարիա - Մայնց 3:1

գոլեր` Մանջուկիչ 2', Շվայնշտակգեր 13', Կրոս 92' - Շալայ 59' 11մ

Բորուսիա Դ - Բայեր 3:0

գոլեր`Հումելս 29', Բլաշիկովսկի 40', Լևանդովսկի 78'

Գրոյտեր Ֆյուրտ - Շալկե 0:2

գոլեր`Դրակսլեր 48', Հոլտբի 88'

Բորուսիա Մ - Նյուրնբերգ 2:3

գոլեր` Լ.դե Յոնգ 45', Չակա 53' - Տ.Կլոզե 17', Սիմոնս 25', Կիիյոտակե 55'

Հանովեր - Վերդեր 3:2

գոլեր`Հուշտի 6', 93', Անդրեասեն 9',  - Հունտ 26' 11մ, Դե Բրյունե 74' 

Շտուտգարտ - Ֆորտունա 0:0

Աուգսբուրգ - Վոլֆսբուրգ 0:0