Բունդեսլիգայի 29-րդ տուրում մրցաշարային աղյուսակում երկրորդ հորիզոնականում ըթացող Մյունխենի "Բավարիան" սեփական հարկի տակ բավարական դերբիի շրջանակում   2:1 հաշվով պարտության մատնեց Աուգսբուրգին:

Հանդիպման հաշիվը 24-րդ վայրկյանին բացեց Մարիո Գոմեսը: Խփած գնդակից հետո թվում էր, թե գրանցվելու է խոշոր հաշիվ, սակայն մյունխենցիները թուլացրեցին ճնշումը և պատժվեցին դրա համար: 23-րդ րոպեին Ջա Չոլ Կուի հարվածից հետո Աուգսբուգը վերականգնեց հաշվի հավասարակշռությունը: Բաց թողած գնդակից հետո Բավարիան առանձնապես մեծ ջանքեր չգործադրեց հաշվի մեջ կրկին առաջ անցնելու համար:  60-րդ րոպեին նույն Մարիո Գոմեսը երկրորդ անգամ գրավեց մրցակցի դարպասը և հաղթանակ պարգևեց իր թիմին:

Զուգահեռաբար ընթացող խաղում առաջատար Դորտմունդի Բորուսիան հեշտ արտագնա հեշտ հաղթանակ տոնեց Վոլֆսբուրգի նկատմամաբ: 22-րդ րոպեին դորտմունդիցներին հաշվի մեջ առաջ մղեց թիմի լավագույն ռմբարկու ռոբերտ Լևանդովսկին: Երկրորդ խաղակեսի սկզբնամասում հյուրերի առավելությունը ավելի տպավորիչ դարձրեց Իլքայ Գունդողանը: 61-րդ րոպեին այդուհանդերձ "գայլերին" հաջողվեց կրճատել հաշվի տարբերությունը, սակայն ավելին անել նրանց չհաջողվեց: Հանդիպման վերջնամասում Լևանդովսկին ևս մեկ գնդակ ուղարկեց դաշտի տերերի դարպասը և ձևակերպեց հանդիպման վերջնական հաշիվը` 3:1:

Այսպիսով Բունդեսլիգայի չեմպիոնի տիտղոսի համար ճակատագրական խաղը կկայանա 4 օր անց Դորտմունդի "Վեստֆալենշտադիոն" մարզադաշտում, ուր վճռական մենամարտում իրար կբախվեն Բորուսիան և Բավարիան:  Ամենայն հավանականությամբ այս խաղից հետո կընդգծվի չեմպիոնի տիտղոսի հավակնորդի անունը: Խաղը կկայանա ապրիլի 11-ին , Երևանի ժամանակով 22:00-ին:

«Վոլֆսբուրգ»  – «Բորուսիա»  1:3

գոլեր` Լևանդովսկի, 22 (0:1); Գյունդողան, 49 (0:2); Մանջուկիչ, 61 (1:2); Լևանդովսկի, 90 (1:3)

«Բավարիա» – «Աուգսբուրգ»  2:1

գոլեր` Գոմես, 1 (1:0); Չժա Չոլ, 23 (1:1); Գոմես, 60 (2:1)

«Քյոլն» – «Վերդեր»  1:1

գոլեր` Ռոզենբերգ, 24 (0:1); Ջեմալ, 39 (1:1)

«Շտուտգարտ» – «Մայնց»  4:1

գոլեր` Իվանշից, 3 (0:1, 11մ); Հայնալ, 8 (1:1); Իբիշևիչ, 49 (2:1); Կուզմանովիչ, 66 (3:1, 11մ); Իբիշևիչ, 85 (4:1)

«Ֆրայբուրգ»  – «Նյուրնբերգ» 2:2

գոլեր` Դիդավի, 8 (0:1); Պեկհարտ, 45+1 (0:2); Կալիջուրի, 53 (1:2, 11մ); Մակիադի, 79 (2:2)

«Կայզերսլաուտերն» – «Հոֆենհայմ» 1:2

գոլեր` Սալիհովիչ, 26 (0:1, 11մ); Վուկչևիչ, 71 (0:2); Բուգերա, 86 (1:2)

«Բորուսիա» – «Հերտա» 0:0