Բավարիան ու Բորուսիան ֆավորիտ են Չեմպիոնների լիգայի կիսաեզրափակիչում, հայտարարել է Դոնեցկի Շախտյորի գլխավոր մարզիչ Միրչա Լուչեսկուն:

"Դորտմունդի Բորուսիան երիտասարդ, լավ կազմակերպված եւ գրոհող թիմ է, որի կազմում խաղում են վտանգավոր եւ երիտասարդ Գյոտցեն, Ռոյսը եւ Լեւանդովսկին: Նրանք հաղթել են Ռեալին խմբային փուլում եւ շատ հավանական է, որ դարձյալ կհաղթեն: Ես կարծում եմ, որ Բորուսիան Եվրոպայում ունի լավագույն երկրպագուները: Մոուրինյոն հաղթող մարզիչ է, սակայն նա նման չէ Ֆերգյուսոնին, Վենգերին եւ ինձ: Մենք ստեղծում ենք թիմեր եւ չենք փոխում դրանք 3-4 տարին մեկ: Ինչ վերաբերում է Բարսելոնայի եւ Բավարիայի դիմակայությանը, ապա մյունխենցիներն արդեն նվաճել են Գերմանիայի չեմպիոնի տիտղոսը եւ կարող են ամբողջովին կենտրոնանալ Չեմպիոնների լիգայի վրա: Իսկ Բարսելոնան շատ է կախված Մեսիից",- ասել է Լուչեսկուն: