Բավարիայի հոլանդացի կիսապաշտպան Արիեն Ռոբենը վերջապես թիմի հետ պայմանագիրը երկարաձգելու որոշում կայացրեց: Չնայած նրան, որ կողմերը երկար ժամանակ չէին կարողանում ընդհանուր հայտարարի գալ, այդուհանդերձ երեկ կողմերի միջև կնքվեց երկրպագուների կողմից այդքան սպասված պայմանագիրը:

Այս մասին հայտնում է ակումբի պաշտոնական կայքը: Ըստ նոր պայամանգրի Ռոբենը բավարիայում կմնա մինչև 2015 թվականի հունիսի 30-ը:

Հիշեցնենք, որ Ռոբենը բավարիայի ֆուտբոլիստ դարձավ 2009 թվականի օգոստոսին: Գերմանիայի առաջնության ներկայիս մրցաշրջանում մյունխենյան ակումբի կազմում Ռոբենը մասնակցել է 23 հանդիպման, խփել է 11 գնդակ և դարձել է 5 գոլային փոխանցման հեղինակ: