ՇՏՈՒՏԳԱՐՏ - ԲԱՎԱՐԻԱ ԽԱՂԻՆ ԸՆԴԱՌԱՋ

Գլխավոր » » ՇՏՈՒՏԳԱՐՏ - ԲԱՎԱՐԻԱ ԽԱՂԻՆ ԸՆԴԱՌԱՋ

13:23 ՇՏՈՒՏԳԱՐՏ - ԲԱՎԱՐԻԱ ԽԱՂԻՆ ԸՆԴԱՌԱՋ
"Շտուտգարտ" - "Բավարիա" Բունդեսլիգա. 19-րդ տուր 27.01.13. Շտուտգարտ. "Մերսեդես Բենց Արենա". 20:30 Մրցավար: Ֆլորիան Մայեր (Բուրգդորֆ) Բունդեսլիգայի 19-րդ տուրի կարևորագույն իրադարձությունը կկայանա Շտուտգարտի "Մերսեդես Բենց Արենա" մարզադաշտում, ուր միմյանց հետ առճակատման դուրս կգան տեղի համանուն թիմը և առաջատար Բավարիան: Առաջին շրջանում այս թիմերի հանդիպումը ավարտվել էր Բավարիայի ջախջախիչ` 6:1 հաշվով հաղթանակով: Սակայն շվաբյան ակումբի տղաները այսօրվա խաղում ամեն կերպ կձգտեն վերականգնել իրենց խաթարված հեղինակությունը և վրեժխնդիր լինել ահեղ մրցակցից:Նախորդ տուրում Շտուտգարտը հյուրընկալվելիս երկու գնդակի տարբերությամբ զիջել էր Վոլֆսբուրգին, իսկ ահա Բավարիան իր հերթին երկու անպատասխան գնդակ էր ուղարկել հետնապահ` Գրոյտեր Ֆյուրտի դարպասը: Շտուտգարտը ձմեռային տրանսֆերային պատուհանի ժամանակահատվածում համալրվել է Մանչեսթեր Յունայթեդի իտալացի հարձակվող Ֆեդերիկո Մակեդայով, ով մինչև մրցաշրջանի ավարտը վարձավճարի հիմունքներով կգտնվի գերմանական ակումբի տրամադրության տակ: Հավանաբար այսօրվա խաղում իտալացին կհայտավորվի շվաբների կազմում:Բացի այդ մյունխենցիների հետ խաղում կազմ կվերդադռնա Շտուտգարտի լավագույն ռմբարկու Վեդադ Իբիշևիչը, ով որակազրկման հետևանքով բաց թողեց նախորդ տուրում "գայլերի" հետ կայացած հանդիպումը: Հատկանշական է, որ երկու թիմերն էլ ընթացիկ մրցաշրջանում ավելի լավ արդյունք են ցուցադրում արտագնա խաղերում: Բավարիան բացի Նյուրնբերի հետ խաղից (1:1) իր բոլոր արտագնա խաղերը ավարտել է հաղթանակներով: Շտուտգարտը նույնպես դրական բալանս ունի արտագնա խաղերում: Լաբբադիայի սաները արտագնա խաղերում վաստակել են 14 միավոր, մինչդեռ սեփական հարկի տակ անցկացրած հանդիպումներում շվաբների ակտիվում գրանցված է 11 միավոր: Թիմերի նախնական կազմերը: "Շտուտգարտ": Ուլրայխ, Տաշչի, Սակաի, Մոլինարո, Նիդերմայեր, Գենտներ, Հայնալ, Կվիստ, Օկազակի, Հարնիկ, Իբիշևիչ Գլխավոր մարզիչ` Բրունո Լաբբադիա "Բավարիա": Նոյեր, Լահմ, Բոատենգ, Դանտե, Ալաբա, Շվայնշտայգեր, Մարտինես, Ռիբերի, Մյուլլեր, Կրոս, Գոմես Գլխավոր մարզիչ` Յուպ Հայնկես
1 2 3 4 5 Դիտումներ: 594 \| Ավելացրեց: Oliver \| Վարկանիշ: 0.0/6