Բավարիայի կենտրոնական պաշտպան բելգիացի Դանիել վան Բույտենը չի բացառել, որ մյունխենյան ակումբի հետ պայմանագրի ժամկետի ավարտից հետո կարող է վերադառնալ իր նախկին ակումբ` Մարսելի «Օլիմպիկ»: Բելգիացու խոսքերով ֆրանսիական ակումբում նա կարող էր հայտնվել 2009 թ, սակայն այն ժամանակ Բավարիան իր խաղացողից հրաժարվեց բաժանվել:

«Բավարիան չէր ցանկանում հրաժարվել իմ ծառայություններից: Նույնիսկ ուրիշ տարբերակներ չէին քննարկվում: Ես շատ գոհ եմ , որ մնացի Մյունխենում: Ինչ կլինի ապագայում չեմ կարող ասել, սակայն Մարսել վերադառնալու տարբերակը չեմ բացառում»,-ասել է վան Բույտենը:

Առայժմ Բավարիան 33-ամյա ֆուտբոլիստին նոր պայմանագիր չի առաջարկել, աակայն ընթացիկ մրցաշրջանում  հաշվի առնելով նրա հաջող ելույթները`ամենայն հավանականությամբ, կողմերի միջև կստորագրվի նոր պայմանագիր: