ԲՈՒՆԴԵՍԼԻԳԱ.24-ՐԴ ՏՈՒՐԻ ԱՆՈՆՍ(VIDEO)

Գլխավոր » » ԲՈՒՆԴԵՍԼԻԳԱ.24-ՐԴ ՏՈՒՐԻ ԱՆՈՆՍ(VIDEO)

12:15 ԲՈՒՆԴԵՍԼԻԳԱ.24-ՐԴ ՏՈՒՐԻ ԱՆՈՆՍ(VIDEO)
Այսօր կկայանան Բունդեսլիգայի հերթական տուրի հանդիպումները: Փետրվարի 28-ին և 29-ին ՖԻՖԱ-ի օրացույցով ընկերական հանդիպումների օր էր, ինչից օգտվելով էլ ազգային հավաքականներն անցկացրեցին ընկերական հանդիպումներ: Այդ կապակցությամբ Գերմանիա Ֆուտբոլի Միությունը ուրբաթ օրվա խաղը տեղափոխեց շաբաթ օր: 24-րդ տուրի կենտրոնական հանդիպումը միանշանակ` Բայերի և Բավարիայի դիմակայությունն է: Նախորդ տուրում երկու թիմերն էլ միևնույն հաշվով հաղթանակներ տոնցին իրենց մրցակիցների նկատմամբ: Լևերկուզենիցները հյուրընկալվելիս երկու անպատասխան գնդակ ուղարկեցին Քյոլնի դարպասը, իսկ Բավարիան նույն հաշվով սեփական հարկի տակ պարտության մատնեց չեմպիոնության հավակնորդներից` Շալկե 04-ին: Թիմերը խաղին կմոտենան մի շարք կադրային խնդիրներով: Բավարիայի կազմում հանդիպումը վնասվածքի պատճառով բաց կթողնի Շվայնշատյգերը` ճիշտ է նա արդեն սկսել է թիմի հետ մարզումներ անցկացնել, սակայն դեռ լիովին պատրաստ չէ խաղադաշտ վերադառնալու համար: Հարցականի տակ է Ռիբերիի և Լահմի մասնակցությունը ,որոնք նույնպես թեթևակի վնասվածքներ ունեն: Ինչ վերաբերվում է Բայերին, ապա լևերկուզենյան ակումբի կազմում հանդիպումը բաց կթողնի Գերմանիա-Ֆրանսիա ընկերական խաղում վնասվածք ստացած գերմանացի Անդրե Շյուռլեն: Նույն պատճառով հանդես չի կարողանա գալ թիմի խորվաթ պաշտպան Վեդրան Չորլուկան, ով Խորվաթիա-Շվեդիա հանդիպման առաջին խաղակեսում ստացած ծնկի վնասվածքի պատճառով չկարողացավ շարունակել հանդիպումը: Առաջնության առաջատար` Դորտմունդի Բորուսիան "Սիգնալ Իդունա Պարկ" մարզդաշտում կհյուրընկալի Մայնցին: Իսկ Շալկեն կհյուրընկալվի առաջնության ետնապահ` Ֆրայբուրգին: Երրորդ հորիզոնականում ընթացող Մյունխենգլադբախի Բորուսիան իր հանդիպումը կանցկացնի վաղը: Լուսիեն Ֆավրեի սաները դժվարին արտագնա հանդիպում է սպասվում Նյուրնբերգում:
1 2 3 4 5 Դիտումներ: 545 \| Ավելացրեց: Oliver \| Վարկանիշ: 0.0/0