Բավարիայի գլխավոր մարզիչ Յուպ Հայնկեսը  Ռեալի հետ խաղից առաջ հրավիրված մամուլի ասուլիսի ժամանակ հայտարարել է, որ իր թիմի ի վիճակի է իրականացնել իրենց առջև դրված խնդիրը:

"Մենք լավ ենք նախապատրաստվել առաջիկա խաղին։ Ինձ թվում է, որ մենք ի վիճակի ենք իրականացնել մեր երազանքը և դուրս գալ եզրափակիչ։Եթե կարողանանք դուրս գալ եզրափակիչ, ապա դա պատմական ձեռքբերում կլինի մեզ համար։  Մադրիդում ամեն ինչ բարեհաջող ավարտին հասցնելու համար պետք է հանդես գանք մեր հնարավորությունների առավելագույն չափով: Բոլոր խաղացողները պատարստ են և մոտիվացված։ Գիտենք, որ անհրաժեշտ է մրցակցի հարկի տակ գնդակ խփել։ Եվ մենք կարող ենք դա անել։ Ամենագլխավորը պետք է  համախմբված խաղալ", – Հայնկեսի խոսքերը մեջբերում է Բավարիայի պաշտոնական կայքը: