2001 թվականի հոկտեմբերի 21-ին կայացած հանրաքվեի արդյունքում միաձայն որոշվեց նոր մարզդաշտ կառուցելու նախագիծը: Բավարիայի նախկին մարզադաշտի վերակառուցման առաջարկը մերժվեց: Ժամանակն էր հին «Օլիմպիոշտադիոն»-ի փոխարեն ստեղծել նորագույն ստանդարտների համապատասխանող նոր մարզադաշտ: Դրա հիման վրա հայտարարվեց ճարտարապետական ընկերությունների մրցույթ, որտեղ սկզբնական փուլում առաջարկված էին նոր մարզադաշտի 8 մոդելներ, որից եզրափակիչ հարցմանը ներկայացնելու համար ընտրվեց`2-ը: "Ալիանց Արենա" մարզադաշտը գտնվում է Մյունխենի հյուսիսային մասում: Այն տեղավորում է 69.901 հանդիսական, որից 13 769-ը նախատեսված է կանգնած հանդիսականների , 2152-ը բիզնես-նստատեղերի, 1374 –VIP և 165-ը սայլակով անդամալույծների համար: 2005/2006 մրցաշրջանից սկսած "Ալիանց Արենա” մարզադաշտում իրենց հանդիպումներ անցկացնում են երկու մյունխենյան ակումբներ` "Բավարիան” և "Մյունխեն 1860”-ը: Մարզադաշտի բացումը տեղի ունեցավ 2005 թվականի մայիսի 30-ին, երբ միմյանց հետ ընկերական հանդիպում անցկացրեցին "Մյունխեն 1860”-ը և "Նյուրնբերգը”: Բացման խաղը ավարտվեց տանտերերի` 3:2 հաշվով հաղթանակով, իսկ առաջին պաշտոնական գոլը` նոր մարզադաշտի դարպասը ուղարկեց "Մյունխեն 1860”-ի խաղացող Պատրիկ Միլխրաումը: Հաջորդ օրը մարզադաշտում տեղի ունեցավ "Բավարիայի” և Գերմանիայի հավաքականի հանդիպումը, որտեղ մյունխենցիները առավելության հասան` 4:2 հաշվով:"Ալիանց Արենայում” Բունդեսլիգայի առաջին հանդիպումը տեղի ունեցավ 2005 թվականի օգոստոսի 5-ին, երբ "Բավարիան” սեփական հարկի տակ ընդունեց Մյունխենգլադբախի "Բորուսիային” և հաղթեց` 3:0 հաշվով: 2006 թվականի ախարհի առաջնության ժամանակ այստեղ անցկացվել է 6 հանդիպում:Այա հրաշագեղ մարզադաշտում նաև կանցկացվի Չեմպիոնների լիգայի խաղարկության 2011/2012 մրցաշրջանի եզրափկիչ հանդիպումը: Սկզբնական ժամանակահատվածում մարզադաշտը համարվում էր երկու ակումբների սեփականությունը, սակայն հետագայում "Մյունխեն 1860”-ի սննկացման հետևանքով "Բավարիան” ամբողջությամբ գնեց նաև "Մյունխեն 1860”-ի փայը և այդպիսով դարձավ մարզադաշտի միակ սեփականատերը:
Մարզադաշտի անվանման իրավունքները պատկանում են գերմանական`"Ալիանց" խոշորագույն ապահովագրական ընկերությանը, որը հովանավորչության դիմաց, այն ձեռք է բերել 30 տարի ժամանակահատվածով: Ըստ ՈՒԵՖԱ-ի կանոնդարության` միջազգային խաղերի (հավաքականների,Չեմպիոնների լիգայի,Եվրոպա Լիգայի) ժամանակ մարզադաշտի հովանավորի անունը պետք է չհիշատակվի: Այդ իսկ պատճառով` միջազգային խաղերի ժամանակ այն կոչվում է "FIFA-ի աշխարհի առաջնության արենա Մյունխենում" կամ պարզապես "Մյունխեն Արենա": Մարզդաշտի կառուցման համար ընդհանուր ծախսվել է 340 մլն եվրո: Բացի այդ Մյունխենի քաղաքապետարանը մարզադաշտի կողքի ինֆրաստրուկտուրաների կառուցապատման համար տրամադրել է 210 մլն եվրո: Նոր արենայի կառուցապատման համար Բավարիայի վերցված վարկի մարման ժամկետը կրճատվել է, քանի որ Մյունխենյան ակումբը ժամանակից շուտ կարողանում է մարել այդ գումարը: Ենթադվում է, որ պարտք կմարվի 2018 թվականին, այսինքն 10 տարի ավելի շուտ, քան նախատեսվում էր: | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
ԼԵԳԵՆԴՆԵՐ
ԳԵՐՄԱՆԻԱ
ՀԱՐՑՈՒՄ
ԱՅՑԵԼՈՒՆԵՐ
MIA SAN MIA
ԳԼԽԱՎՈՐ
ԱԿՈՒՄԲՄՈՒՏՔ
ԱՂՅՈՒՍԱԿ
ՀՂՈՒՄՆԵՐ
