17:53 Բացառիկ հարցազրույց Ֆիլիպ Լահմի հետ | |
FourFourTwo մարզական հեղինակավոր ամսագիրը ծավալուն հարցազրույց է անցկացրել «Բավարիա»-ի պաշտպան Ֆիլիպ Լահմի և կիսապաշտպան Արիեն Ռոբենի հետ: Առաջին մասում ներկայացնում ենք Ֆիլիպ Լահմի հարցազրույցը: -Ի՞նչ է փոխվել «Բավարիա»-ում Պեպ Գվարդիոլայի գալուց հետո: -Երբ նոր մարզիչ է գալիս ակումբ, միշտ լինում են փոփոխություններ: Յուրաքանչյուր մարզիչ ունի ֆուտբոլի մասին իր գաղափարը և իր սեփական անձը: Այնպես որ դու միշտ ստիպված ես հարմարվել: Ավելին, մեր մարզիչը խաղից դուրս է եղել մեկ տարի և դրանից առաջ հաղթել ամեն հնարավոր տիտղոս, որ կարող ես հաղթել ակումբային մակարդակում, այդ պատճառով ահռելի հետաքրքրություն կար իր անձի հանդեպ: -Համաձայն ե՞ք, որ նրա շնորհիվ ԶԼՄ-ների հետաքրքրությունն ավելի շատ է ակումբում: -Դժվար է ասել, քանի որ մենք 3 գավաթ բարձրացրեցինք անցյալ մրցաշրջանում: Այդ պատճառով չգիտեմ դա մարզիչի շնորհիվ է, թե այն փաստի, որ թիմն այլ կերպ ընկալվեց Չեմպիոնների Լիգայում հաղթելուց հետո: -Դուք ասացիք, որ ամեն մարզիչ ունի խաղի սեփական գաղափարը: Ո՞րն է Գվարդիոլայի գաղափարը: -Ես չեմ պատրաստվում բացահայտել տակտիկական բոլոր մանրամասները, որոնց վրա աշխատել ենք: Մեր մարզիչը շատ տիտղոսներ է նվաճել, նա բծախնդիր աշխատող է: Նա ուսումնասիրում է յուրաքանչյուր մանրուք և փորձում ուղղել դրանք: -Դուք պետք է որ զարմացած լինեիք, երբ ընդամենը մի քանի շաբաթ աշխատելուց հետո, նա Ձեզ անվանեց ամենախելացի խաղացողը, ում հետ նա երբևէ աշխատել է: - Ի՞նչ նկատի ունեք ասելով «զարմացած»: Անհերքելի է, որ հաճելի է նման բան լսել: Դա ապշեցուցիչ հաճոյախոսություն է, որն ասում է մի մարզիչ, ով մարզել է մեծ ֆուտբոլիստների, մեծ մարդկանց: Ես ուրախ էի իհարկե լսել դա, բայց ոչ զարմացած, քանի որ ես չեմ բացում թերթը և ակընկալում կարդալ որոշակի բաներ: -Հավանաբար նա նկատի է ունեցել խաղը կարդալու, մարտավարությունները հասկանալու և նոր իրավիճակներին հարմարվելու Ձեր ունակությունը: -Այո, կարծում եմ նման մի բան: Դուք հավանաբար ունեիք այս հատկանիշների կարիքը, քանի որ շատ բան փոխվեց Ձեզ համար նոր մարզչի հետ, որպես ֆուտբոլիստ, հատկապես դիրքը խաղադաշտում: Ե՞րբ տեղեկացաք, որ պետք է խաղաք պաշտպանության առջևում, կիսապաշտպանությունում: -Ես այնտեղ խաղացի մի քանի անգամ նախամրաշրջանային մարզումների ժամանակ: Հետո ես զրույց ունեցա մարզչի հետ, որի ընթացքում ասաց, որ իրեն շատ է դուր եկել դերի իմ մեկնաբանումը: Եվ այդպիսով ես սկսեցի խաղալ պաշտպանության առջևում: Նաև ունեինք որոշ վնասվածքներ այդ դիրքում: -Հերման Գերլանդը` «Բավարիա»-ի օգնական մարզիչը և այն մարդը, ով քիչ թե շատ բացահայտեց Ձեզ, միշտ ասել է, որ Դուք կարող եք խաղալ կիսապաշտպանությունում: - Ինձ համար անակնկալ չեղավ, որ ես կարող եմ լրացնել այդ դիրքը, քանի որ ես այնտեղ խաղացել եմ երիտասարդական ֆուտբոլում և արդեն օգնել եմ կիսապաշտպանությանը որոշ առիթով: Եվ մի մոռացեք, որ ես խաղում էի աջ պաշտպանի դիրքում նոր մրցաշրջանի առաջին խաղերում: Վնասվածքներ լինելուց հետո միայն ես տեղափոխվեցի այդ դիրք: Դա այն պատճառով չէր, որ ես մրցաշրջանը սկսելուց առաջ խաղացել էի այնտեղ: Այնուամենայնիվ, ես տեղյակ էի, որ կիսապաշտպանությունում իմ խաղը դարձել էր մարզչի մեկ այլ տարբերակ և որ նա այն հաշվի էր առնելու: -Արդյունքն այն է, որ փոփոխություններն այդքան էլ դրամատիկ չեղան, քանի որ թիմը շարունակում է հաղթել խաղը խաղի հետևից: -Դա փոփոխություն էր: Մրցաշրջանի սկզբում կարող էիք նկատել, որ մեզ ժամանակ էր անհրաժեշտ ամեն ինչ հասկանալու և շտկելու համար, ինչպես օրինակ մեր դիրքերը դաշտում և հակագրոհը: Դա ժամանակ է պահանջում, բայց մենք ավելի ու ավելի լավ ենք հասկանում, թե ինչ է ուզում մարզիչը: Մենք որոշ հատկանշական խաղեր ունեցանք մրցաշրջանի սկզբնական հատվածում, «Մանչեսթեր Սիթի»-ին և Լեվերկուզենին հյուրընկալվելիս, որտեղ շատ բան աշխատեց: Բայց մենք դեռևս այնտեղ չենք, որտեղ ցանկանում ենք լինել: Ինչ վերաբերում է նպատակներին` այո, ինչ մեր խաղաոճին`ոչ: -Դուք այս ակումբում ավելի վաղուց եք խաղում, քան շատերը, և կիմանաք, որ եղել է դեպք Գերմանիայում, որ միայն «Բավարիա»-ն կար, գումարած մեկ մրցակից, որ կարողանում էր մրցակցել մի քանի տարի մինչ մեկ այլ ժամանակավոր մրցակցով փոխարինվելը: Ի ՞նչ եք կարծում, Դորտմունդի հայտնվելը, որպես պոտենցիալ ամուր մրցակից լա՞վ է գերմանական ֆուտբոլի համար ընդհանրապես: -Իհարկե լավ է գերմանական ֆուտբոլի համար, երբ կա մեկ այլ ուժեղ թիմ և երբ երկու գերմանական ակումբները հասնում են Չեմպիոնների Լիգայի եզրափակիչ: Բայց ինչպես Դուք ասացիք, անցյալում մենք հիմնականում ունենում էինք մեկ մրցակից ընդամենը մի քանի տարով: Այս պահին Դորտմունդը դեռևս այդ կետի սահմաններից դուրս չի եկել: Ես կարծում եմ նրանք կարող են դառնալ տևական մրցակից: Նրանք կայունություն են ձեռք բերել մի քանի մրցաշրջանների ընթացքում, խաղում են հետևողականորեն և ներկա պահին մեր ամենաուժեղ մրցակիցն են: Ամեն դեպքում, կտեսնենք ինչ կլինի ապագայում: Վերջերս միայն մի կարևոր գործոն է եղել` «Բավարիա»: Ակումբը միշտ պայքարել է տիտղոսների համար: Հնարավոր է եղել են տարօրինակ մրցաշրջաններ, երբ այդ դեպքը չի եղել, բայց ընդհանուր առմամբ «Բավարիա»-ն միշտ բարձունքում է կամ մոտ բարձունքին: -«Բավարացիներ»-ը հենց այդ պատկերացու ՞ մն ունեն իրենց մեջ` «ընդմիշտ առաջինը», ինչպես ակումբի հին երգում է նշվում: -Դա հենց այն է, ինչ մենք ցանկանում ենք և եթե հայացք նետենք վերջին ժամանակներին, այդպես էլ եղել է: Անմտություն կլինի դա հերքելը: Վերջին տարիներին միայն «Բավարիա»-ն է եղել գերմանական ամենամեծ մրցակիցը: Եթե ցանկանում ես հաղթել լիգան, ստիպված ես հաղթել «Բավարիա»-ին: -Եթե սա Գերմանիայի, հիմա նաև Եվրոպայի լավագույն ակումբն է, եթե ունի ավելի շատ գումար, քան շատ այլ ակումբներ, ինչպես նաև ամենացանկալի մարզիչն աշխարհում, հնարավո ՞ր է Ձեզ համար ակումբը լքելու պատճառ լինի մի օր: -Ես 30 տարեկան եմ, պայմանագիրս էլ դեռ 2 մրցաշրջան ուժի մեջ է: Ինքս չեմ կարող պատկերացնել ինձ այլ տեղ խաղալիս: -Իսկ ինչ կասե ՞ք երիտասարդ ֆուտբոլիստների մասին: Եթե նրանք մի անգամ խաղում են «Բավարիա»-ում, ու ՞ր կարող են գնալ: -Ոչ շատ այլ տեղեր, բայց իհարկե միշտ էլ դրսում խաղալու, այլ մշակույթին ծանոթանալու, այլ ոճի ֆուտբոլ տեսնելու, նոր լեզու սովորելու գայթակղություն կա: Սակայն ես կարծում եմ, որ այն, ինչ ունես «Բավարիա»-ում, այլևս աշխարհում ոչ մի տեղ չես ունենա: Ակումբը պրոֆեսիոնալ կերպով է վարում ամեն ինչ, նաև ֆուտբոլից դուրս, ինչպես օրինակ ակումբի տնտեսական վիճակը: Այն գերազանց է: Մյունխեն քաղաքն էլ իր հերթին երազանք է: Պատճառներ չկան այս վայրը լքելու համար: Նյութը պատրաստեց` Նունե Ազատյանը | |
|
Մեկնաբանություններ: 0 | |