«Բավարիա»-ի երկրորդ թիմը 3-րդ լիգայի անցումային խաղերում ցավալիորեն չի կարողացել հաղթահարել «Ֆորտունա Քյոլն»-ի արգելքը: Ամենացավալին այն է, որ մյունխենցներին ընդամենը մի քանի վայրկյան չի բավականացրել նպատակին հասնելու համար: Խաղի վերջին րոպեին «Բավարիա»-ի դարպասապահ Լուկաս Ռիդերը հրեշավոր սխալ է թույլ տվել, որից հետո մրցակցին հաջողվել է խփել դիմակայության վճռորոշ գոլը: Հատկանշական է, որ Ռիդերը հանդիսանում է «Բավարիա»-ի առաջին թիմի երրորդ դարպասապահը: 

Հավելենք, որ այս թիմերի առաջին խաղը ավարտվել էր «Ֆորտունա»-ի 1:0 հաշվով հաղթանակով: Երկու խաղերի արդյունքում «Ֆորտունա»-ն հաղթեց մրցակցի հարկի տակ խփած գոլի կանոնով և հաջորդ մրցաշրջանում երրորդ լիգայում հադես գալու իրավունք ստացավ,  Իսկ «Բավարիա II»-ը կշարունակի հանդես գալ Բավարիա Ռեգիոնալլիգայի խաղարկությունում: