Մյունխենի «Բավարիայի» նախագահ է ընտրվել Կարլ Հոպֆները, հաղորդում է գերմանական ակումբի պաշտոնական կայքը: Նա զբաղեցրել է Ուլի Հենեսի ազատազրկումից հետո թափուր մնացած պաշտոնը:

«Բավարիայի» բաժնետերերի արտահերթ ժողովում Հոպֆները ստացել է ձայների 99.6 տոկոսը: Նա ստացել է 1593 կողմ ձայն: Դեմ են եղել հինգ բաժնետերեր, մեկը՝ ձեռնպահ: Հոպֆների լիազորությունները մինչեւ 2016 թվականն են: Նա ակումբի առաջին փոխնախագահն էր:

Հիշեցնենք, որ Ուլի Հենեսը հրաժարական ներկայացրեց այս տարվա մարտին, երբ դատարանը նրան մեղավոր ճանաչեց հարկերից խուսափելու համար:

sport.news.am