Պատմության մեջ առաջին անգամ Չեմպիոնների լիգայի եզրափակիչի զանգվածային ցուցադրությունը կկայանա 69,250 հադիսական տարողություն ունեցող մարզադաշտում: Այն կկայանա Մյունխենի Բավարիայի նախկին`  «Օլիմպիաշտադիոն» մարզադաշտում: 

Չեմպիոնների լիգայի եզրափակիչում մայիսի 19-ին Մյունխենում հանդիպելու են «Բավարիան» և Լոնդոնի «Չելսին»: «Օլիմպիաշտադիոնը» գտնվում է  «Ալիանց Արենայից» 8 կմ հեռավորության վրա:

«Օլիմպիաշտադիոնի» մուտքի տոմսի արժեքն է լինելու 5 եվրո, իսկ արդյունքում ստացված գումարը հատկացվելու է կազմակերպչական և ադմինիստրատիվ ծախսերի իրականացմանը և անվտանգության ապահովմանը:Ընդ որում մեկ անձը առավելագույնը կարող է ձեռք բերել 4 տոմս:

Նշենք, որ Բավարիան մինչ 2005 թվականը իր տնային հանդիպումները անցկացնում էր «Օլիմպիաշտադիոն» մարզադաշտում, իսկ 2005-ից սկսաց Բավարիան հանդես է գալիս նորակառույց «Ալիանց Արենա» մարզադաշտում: