Գերմանիայի հավաքականը Աշխարհի առաջնության կիսաեզրափակչի առաջին մասնակիցն է: «Մարականա» մարզադաշտում բունդեսթիմը 0-1 հաշվով առավելության հասավ Ֆրանսիայի ընտրանու նկատմամբ:

Ամբողջ հանդիպման ընթացքում գոլեր խփելու բազմաթիվ հնարավորություններ ունեին թե ֆրանսիացիները, և թե գերմանացիները, սակայն խփվեց միայն մեկ գոլ. առաջին խաղակեսի 13-րդ րոպեին մրցակցի դարպասը գլխի հարվածով գրավեց Գերմանիայի հավաքականի կենտրոնական պաշտպան Մատս Հումելսը:

Ֆրանսիացիները հատկապես վտանգավոր գրոհներ էին անցկացնում երկրորդ խաղակեսում: Միաժամանակ իրենց առավելությունը զարգացնելու հնարավորություններ էին ստանում նաև գերմանացիները, սակայն նոր գոլեր այս խաղում այդպես էլ չգրանցվեցին:

Կիսաեզրափակիչում Գերմանիան կհանդիպի Բրազիլիայի հետ: