Գերմանիայի հավաքականի գլխավոր մարզիչ Յոահիմ Լյովն իր սպասելիքներն է ներկայացրել ԱԱ-2014-ի խմբային փուլի՝ Գանայի ընտրանու հետ նախանշված առաջիկա մրցավեճի առնչությամբ։

Գերմանացի մասնագետն ընդգծել է, որ Բունդեսմանշաֆթն, ամեն դեպքում, չի թերագնահատելու իր մրցակցին։

«Մունդիալի մեկնարկային՝ պորտուգալացիների հետ խաղում մենք տոնեցինք շատ լավ և կարևոր հաղթանակ (4:0): Բայց հարկավոր է, որպեսզի հաղթենք նաև խմբային փուլի երկրորդ՝ Գանայի հետ կայանալիք մրցավեճում, քանի որ այն կապահովի մեր ելքը 1/8 եզրափակիչ։ Իսկ, հայտնի է, ով թույլ է տալիս իրեն հանգստանալ, լքում է մրցաշարը»,-նշել է Լյովը։

«Գանայի համար մեզ հետ հանդիպումը վերածվելու է եզրափակչի, ուստի նրանք մեր դեմ կենացմահու պայքար են մղելու։ Եթե նրանք չհաղթեն, ապա շատ դժվարին կացության մեջ են հայտնվելու։

Ինչ վերաբերում է Մատս Հումելսին, ապա նա դեռ 100 տոկոսով պատրաստ չէ։ Կտեսնենք, արդյո՞ք նա կկարողանա դուրս գալ խաղադաշտ»,-Լյովի խոսքերն է մեջբերում Գերմանիայի ֆուտբոլային միությունը (DFB):

Armsport.am