ԳԵՐՄԱՆԻԱՆ ՔԱՌՈՐԴ ԵԶՐԱՓԱԿԻՉՈՒՄ ԿՄՐՑԻ ՀՈՒՆԱՍՏԱՆԻ ՀԵՏ

Գլխավոր » » ԳԵՐՄԱՆԻԱՆ ՔԱՌՈՐԴ ԵԶՐԱՓԱԿԻՉՈՒՄ ԿՄՐՑԻ ՀՈՒՆԱՍՏԱՆԻ ՀԵՏ

10:12 ԳԵՐՄԱՆԻԱՆ ՔԱՌՈՐԴ ԵԶՐԱՓԱԿԻՉՈՒՄ ԿՄՐՑԻ ՀՈՒՆԱՍՏԱՆԻ ՀԵՏ
B խմբից հաջորդ փուլում պայքարը շարունակելու իրավունք ստացան Գերմանիայի և Պորտուգալիայի ընտրանիները: Առհասարակ Գերմանիան դարձավ առաջնության միակ թիմը, ով խմբային փուլում ցուցադրեց հարյուր տոկոսանոց արդյունք և վստահ հաղթանակ տանելով "մահվան խմբում" ընդգրկված մնացած երեք թիմերի նկատմամբ վստահորեն զբաղեցրեց առաջին տեղը: Խմբային փուլի վերջին տուրում գերմանացիները ոչ մեծ ջանքեր գործադրելով կարողացան 2:1 հաշվով առավելության հասնել Դանիայի ընտրանու նկատմամբ և վերջիններիս զրկեցին հաջորդ փուլում հանդես գալու իրավունքից: Գերմանացիներին 19-րդ րոպեին հաշվի մեջ առաջ մղեց Լուկաշ Պոդոլսկին: Դանիացիների պատասխանը իրեն երկար սպասեցնել չտվեց և 5 րոպե անց Կրոհն Դեհլի գլխի հարվածից հետո հաշիվը հավասարվեց: Այդ րոպեներին զուգահեռաբար ընթացող Պորտուգալիա-Հոլանդիա խաղում հոլանդացիները վան դեր Վարտի դիպուկ հարվածից հետո կարողացան հաշվի մեջ առաջ անցնել: Այդ պարագայում Գերմանիայի հետ մեկտեղ հաջորդ փուլի ուղեգիր էր նվաճում Դանիայի ընտրանին: Սակայն քիչ անց Կրիշտիանո Ռոնալդուն վերականգնեց հաշվի հավասարակշռությունը: Երկու խաղերում ոչ-ոքի արդյունքերի դեպքում պայքարը հաջորդ փուլում կշարունակեին Գերմանիան և Պորտուգալիան: Այդ լուրը ստանալուց հետո դանիացիները փորձեցին առաջ նետվել և փրկել դրությունը, սակայն ապարդյուն: Խաղավերջում Գերմանիան Լարս Բենդերի շնորհիվ ևս մեկ գնդակ ուղարկեց դանիացիների դարպասը և վերջնականապես զրկեց հաջորդ փուլ անցնելու հնարավորությունից, իսկ զուգահեռաբար ընթացող խաղում Ռոնալդուն իր հաշվին դուբլ գրանցեց և ավելի ամրապնդեց իր հավաքականի դիրքերը: Երկու խաղերում էլ մնացած ժամանակահատվածում դարպասի նոր գրավումներ չարձանագրվեցին և քառորդ եզրափակիչ փուլի երկու ուղեգրերին արժանացան գերմանացիներն ու պորտուգալացիները: Ինչ վերաբերվում է Հոլանդիայի հավաքականին, որը առաջնությունից առաջ համարվում էր մրցաշարի հաղթողի երկրորդ հավակնորդը` համարձակվեց տանուլ տալ բոլոր երեք հանդիպումներում և խայտառակ կերպով լքեց մրցաշարը: Այդ ցուցանիշով հոլանդացիները համարվում են առաջնության վատագույն թիմը: Այսպիսով հայտնի դարձավ քառորդ եզրափակիչ փուլի առաջին երկու մրցող զույգերի անունները: Դրանցից առաջինում միմյանց դեմ առճակատման դուրս կգան Գերմանիան և Հունաստանը, իսկ երկրորդում Պորտուգալիան և Չեխիան: Այսօր հայտնի կդառնան քառորդ եզրափակիչ փուլի ևս երկու թիմերի անուններ: C խմբում Իտալիայի հավաքականը կմրցի Իռլանդիայի ընտրանու հետ, իսկ զուհագեռաբար խաղում Եվրոպայի և աշխարհի գործող չեմպիոն` Իսպանիայի հավաքականը ուժերը կչափի Խորվաթիայի ընտրանու հետ: 17 հունիսի."Լվով Արենա" մարզադաշտ. Լվով ԴԱՆԻԱ – ԳԵՐՄԱՆԻԱ – 1:2 (1:1) Գոլեր` Պոդոլսկի 19, Կրոհն Դեհլի 24, Բենդեր 80 Դանիա: Անդրեասեն, Յակոբսեն, Կյաեր, Ագգեր, Պոուլսեն, Կվիստ, Զիմլինգ (Կ.Պոուլսեն 79), Էրիկսեն, Յ.Պոուլսեն (Միկելլսեն 82), Կրոհն-Դեհլի, Բենդեր Գերմանիա: Նոյեր, Հումելս, Բադշտուբեր, Լահմ, Բենդեր, Խեդիրա, Շվայնշտայգեր, Օզիլ, Մյուլլեր (Կրոս 84), Պոդոլսկի (Շյուռլե 64), Գոմես (Կլոզե 74) Denmark v Germany by Remsteeg
1 2 3 4 5 Դիտումներ: 721 \| Ավելացրեց: Oliver \| Վարկանիշ: 0.0/0