Գլխավոր » 2012 » Փետրվար » 5 » ՀԱՄԲՈՒՐԳՆ ՈՒ ԲԱՎԱՐԻԱՆ ՈՉ-ՈՔԻ ԽԱՂԱՑԻՆ

---

00:23 ՀԱՄԲՈՒՐԳՆ ՈՒ ԲԱՎԱՐԻԱՆ ՈՉ-ՈՔԻ ԽԱՂԱՑԻՆ

Բավարիան հյուրընկալվելիս հերթական անգամ չկարողացավ առավելության հասնել Համբուրգի նկատմամբ: Հարկ է նշել, որ Մյունխենցիները վերջին անգամ Համբուրգում հաղթանակի համը ճաշակել էին 2004-2005 մրցաշրջանում: Ընդհանուր առմամբ մյունխենցիները ցուցադրեցին, ոչ իրենց համարժեք խաղ: Հանդիպման մեկնարկից առաջ Բավարիայի մարզիչ Յուպ Հայկենսը որոշեց պաշտպանության ձախ եզրում` որակազրկված Ռաֆինյաի փոխարեն հայտավորել Անատոլի Տիմոշչուկին, ով մեղմ ասած այդքան էլ լավ հանդես չեկավ և երկրորդ խաղակեսի միջնամասում փոխարինվեց:  Չնայած Բավարիայի գործադրած ջանքերին, այդուհանդերձ հաշվի մեջ առաջ անցան տանտերերը:Օգտվելով բավարական պաշտպանության թույլ խաղից` գրագետ կազմակերպված գրոհը եզրափակեց Սալան: Բաց թողած գնդակից հետո հյուրերը երկար ժամանակ չէին կարողանում կարգավորել իրենց խաղը: Աննպատակ և հախուռն գրոհները իրենց մեջ, ոչ մի վտանգ չէին պարունակում: Առաջին խաղակեսը մնաց Համբուրգի օգտին: Երկրորդ խաղակեսում Բավարիան սկսեց ավելի նպատակային գործել և քիչ, թե շատ վտանգավոր պահեր ստեղծել, Դրոբնիի պաշտպանած դարպասի ուղղությամբ: Իսկ ժամանակահատվածում Համբուրգ իր հերթին հակագրոհներ կազմակերպելու հարմար առիթները ձեռքից բաց չէր թողնում: Մի քանի դրվագներում տանտերերը կարողացան  բավականին սուր պահեր ստեղծել Նոյերի պաշտպանած դարպասի ուղղությամբ: Այդուամենայնիվ Բավարիային հաջողվեց խույս տալ պարտությունից` խաղավարտից 20 րոպե առաջ: Անկյունայինի խաղարկումից հետո խառնաշփոթ իրավիճակում, փրկության գոլի հեղինակ դարձավ փոխարինման դուրս եկած` նախկին համբուրգցի Իվիցա Օլիչը`1:1:  Խփած գնդակից հետո խաղն կտրուկ սկսեց ակտիվանալ և հանդիպման մնացած հատվածը անցավ թիմերի փոխնիփոխ գրոհների ներքո: Խաղավերջում այնպիսի տպավորությունն էր ստեղծվել, որ կարծես Համբուրգին էր ավելի անհրաժեշտ երեք միավորը, քան Բավարիային: Դրվագներից  մեկի ժամանակ Համբուրգը նույնիսկ կարող էր խաղի հաղթական վերջակետ դնել, սակայն Նոյերի առջև մեն-մենակ հայտնված` հարավկորեացի Սոնի  հարվածից հետո գնդակը մի փոքր շեղությամբ սլացավ դարպասաձողի կողով: Հանդիպումը այդպես էլ ավարտվեց` 1:1: Մյունխենցիների "անգույն" խաղի արդյունքում, Դորտմունդի Բորուսիան միանձնյա գլխավորեց մրցաշարային աղյուսակը, քանի որ առաջատարներից մյուսը` Շալկե 04 սեփական հարկի տակ նույնպես ոչ-ոքի խաղաց Մայնցի հետ: Դա թույլ տվեց Կլոպի սաներին երկու միավարով առաջ անցնել իր անմիջական մրցակիցներից: Եվ եթե հաշվի առնենք, թե ինչպիսի ֆուտբոլ է ցուցադրում Բորուսիան, ապա միանգամայն կարելի է գալ, այն եզրակացությանը, որ նման կերպ շարունակելու դեպքում Բավարիայի համար բավականին դժվար կլինի պայքարել չեմպիոնության համար: "ՀԱՄԲՈՒՐԳ" - "ԲԱՎԱՐԻԱ" - 1:1 (1:0) Գոլեր` Սալա 23' (1:0); Օլիչ 71' (1:1) "ՀԱՄԲՈՒՐԳ": Դրոբնի, Ռայկովիչ, Վեստերման, Դիկմայեր, Յանսեն, Աոգո, Յարոլիմ (Տեշե 90'), Ռինկոն, Սալա (Իլիչևիչ 75'), Գերերրո, Պետրիչ (Հոնգ-Մին Սոն 70') "ԲԱՎԱՐԻԱ": Նոյեր, Լահմ, Բադշտուբեր, Բոատենգ, Տիմոշչուկ (Ալաբա 61'), Ռիբերի, Ռոբեն, Կրոս (Օլիչ 64'), Շվայնշտայգեր, Մյուլլեր, Գոմես Զգուշացումներ` Վեստերման 25'; Բոատենգ 56'; Կրոս 61'; Ռինկոն 63'

1 2 3 4 5 Դիտումներ: 559 | Ավելացրեց: Oliver | Վարկանիշ: 0.0/0

Մեկնաբանություններ: 0