Բավարիայի գլխավոր մարզիչ Յուպ Հայնկեսը մեկնաբանել է թիմի կիսապաշտպաններ Արիեն Ռոբենի և Ֆրենկ Ռիբերիի միջև ծագած վեճը:

Հիշեցնենք, որ Չեմպիոնների լիգայի` Մադրիդի Ռեալի հետ հանդիպման ժամանակ, դրվագներից մեկում ֆրանսիացու և հոլանդացու միջև վեճ էր ծագել տուգանային հարվածը իրացնելու հարցում: Հանդերձարանում նրանց վեճը շարունակվել է, սակայն խաղընկերների օգնությամբ հաջողվել է հանդարտեցնել կռվարար զույգին:

"Ես այն կարծիքին եմ, որ որոշ հարցեր հանդիսանում են ակումբի ներքին գործերը և պետք չէր Ռոբենի և Ռիբերիի միջև ծագած վեճը տանից դուրս հանել: Ես միշտ այդպես եմ վարվել: Իսկ մնացածը ընդամենը շահարկումներ են",ասել է Հայնկեսը