Մյունխենի “Բավարիայի” նախկին դարպասապահ Օլիվեր Կանը կարծում է, որ միտք չունի “Շալկե-04”-ի դարպասապահ Մանուել Նոյերի դիմաց 25 մլն եվրո վճարել, հաղորդում է Bild-ը:

Հիշեցնենք, որ գերմանական ԶԼՄ-ների հաղորդմամբ, հենց նման գումար են պահանջում Գերմանիայի հավաքականի դարպասապահի դիմաց:

“Իհարկե, խոսքը գնում է բարձրակարգ ֆուտբոլիստի մասին: Նա կարող է նոր խոսք ասել “Բավարիայի” պատմության մեջ: Պարզապես խնդիրը նրանում է` արժե արդյոք նրա համար այդքան գումար վճարել: Պետք է հաշվի առնել այն, որ Նոյերին մնացել է մեկ մրցաշրջան անցկացնել “Շալկեում”: Եթե նա դեռ երկամյա պայմանագիր ունենար, այդ դեպքում ես կհասկանայի “Բավարիայի” դիրքորոշումը”, - հայտարարել է Կանը: