Գերմանական առաջատար "Kicker” հանդեսը` Գերմանիայի ֆուտբոլի ազգային հավաքականի գլխավոր մարզիչ Յոահիմ Լյովին ճանաչել է Գերմանիայի "տարվա մարդ”:

"Ազգային հավաքականի հաջողությունները պայմանավորված են նրա մարզչական փայլուն աշխատանքով: 51-ամյա մարզչին հաջողվեց բազմաթիվ տաղանդավոր ֆուտբոլիստներից ձևավորել թիմ, որը իր երկրպագուներին գրավում է հարձակվողական և կոմբինացիոն ֆուտբոլով: Գերմանիան  կրկին անգամ ողջ աշխարհով մեկ նվաճեց հարգանք և ճանաչում”,-իր որոշումը հիմնավորելով`ընդգծում է "Kicker”-ը:

Լյով իր հերթին հայտարարել է, որ անչափ ուրախ է "Kicker”-ի ընտրության համար:

"Կարծում եմ այս ընտրությունը հավաքականի ֆուտբոլիստներին աջակցելու համար է, որի համար ես շատ  հպարտանում եմ”,-նշել է Բունդեսթիմի մարզիչը:

Նախորդ տարի "տարվա մարդ” նոմինացիային արժանացել էր Գերմանիայի հավաքականի և Բավարիայի կիսապաշտպան Բաստիան Շվայնշտայգերը:

Նշենք, որ Գերմանիայի հավաքականին համարում են   Եվրո-2012 գլխավոր ֆավորիտներից մեկը: Լյովի սաները` Պորտուգալիայի,Հոլանդիայի,Դանիայի հետ մեկտեղ հայտնվել են "մահվան” խմբում: