01:10 Մարտական ոչ-ոքի` Գերմանիա – Գանա խաղում. տեսանյութ | |
2014 թվականի աշխարհի առաջնության խմբային փուլի երկրորդ տուրում Գերմանիայի հավաքականը չկարողացավ հաղթել Գանայի ընտրանուն: Ֆորտալեզա քաղաքում կայացած խաղն ավարտվեց մարտական ոչ-ոքի` 2:2 հաշվով: Առաջին խաղակեսից հետո թիմերը ընդմիջման գնացին 0:0 հաշվով, իսկ երկրորդ խաղակեսի սկզբնաամասում Թոմաս Մյուլլերի փոխանցումից հետո Մարիո Գյոտցեն բացեց խաղի հաշիվը: Թվում էր, թե Գերմանիայի հաղթանակը անխուսափելի է , սակայն մոտ 10 րոպե անց հետապնդողի դերում հայտնվեցին հենց գերմանացիները: 54-րդ րոպեին Անդրե Այուն հավասարեցրեց հաշիվը, իսկ 63-րդ րոպեին Ասամոա Գյանը առաջ մղեց իր թիմին: Յոահիմ Լյովը միանագմից մարտի նետեց «ծանր հրետանին»: Խաղադաշտում հայտնվեցին Բաստիան Շվայնշտայգերը և Միրոսլավ Կլոզեն, ով փոխարինման դուրս գալուց հաշված րոպեներ անց վերականգնեց հաշվի հավասարակշռությունը և աշխարհի առաջնություններում խփած գոլերի քանակով կրկնեց Բրազիլիայի հավաքականի նախկին հարձակվող Ռոնալդոի ռեկորդը: Այժմ Բրազիլիայի հավաքականի նախկին հարձակվողի և Կլոզեի հաշվին գրանցված է 15-ական գոլ: Խաղի մնացած ժամանակահատվածը անցավ փոխնիփոխ գրոհներով, սակայն հաշվի մեջ նոր փոփոխություն չարձանագրվեց: 2 տուրից հետո G խմբի մրցաշարային աղյուսակը գլխավորում է Գերմանիան, որն իր ակտիվում ունի 4 միավոր: Երկրորդ տեղում ընթացող ԱՄՆ-ի հավաքականը ունի 3 միավոր, Գանան` 1 միավոր, իսկ ահա վերջին տեղը զբաղեցնող Պորտուգալիան ` 0 միավոր : Գերմանիա – Գանա`2:2
| |
|
Մեկնաբանություններ: 0 | |