Դորտմունդի Բորուսիայի առաջատար պաշտպան Մաթս Հումմելսը կարծում է, որ Բունդեսլիգայի չեմպիոնական տիտղոսի ճակատագիրը կորոշվի 30-րդ տուրում Բավարիայի հետ Դորտմունդում կայանալիք խաղից հետո:

"Եթե մենք կարողանանք հաղթել Բավարիային, ապա միավորների տարբերությունը կհասնի վեցի: Եվ եթե հաշվի առնենք, որ որ այդ խաղից հետո առաջնության ավարտին չորս տուր է մնում, ապա պարզ է դառնում, որ հաղթելու դեպքում մենք չեմպիոնական տիտղոսը նվաճելուն շատ մոտ կլինենք:  Բայց եթե այդ խաղում պարտվենք, ապա չեմպիոնության հարցը մինչև վերջին տուրը բաց կմնա: Հավատացեք, որ նման պարագայում չեմպիոն դառնալու մեր շանսերը կրկին բարձր կմնան",ասել է Հումմելսը:

Հիշեցնենք, որ 28 տուրից հետո վաստակած 63 միավավորով Գերմանիայի առաջնության մրցաշարային աղյուսակը գլխավորում է Բորուսիան, իսկ դորտմունդցիներին հետապնդող Բավարիան 60 միավորով երկրորդն է: Այս թիմերը Դորտմունդում կհանդիպեն 30-րդ տուրի շրջանակում: Հանդիպումը կկայանա ապրիլի 11-ին, Երևանի ժամանակով 22:00-ին: