Մյունխենի «Բավարիայի» նախկին դարպասապահ Օլիվեր Կանը քննադատել է թիմի կիսապաշտպան Ֆրանկ Ռիբերիի խաղը՝ Չեմպիոնների լիգայի կիսաեզրափակչի՝ «Ռեալի» հետ Մադրիդում կայացած առաջին մրցավեճում։ ։

Գերմանական մամուլի փոխանցմամբ, Կանը նշել է, որ Ֆրանսիայի հավաքականի ֆուտբոլիստն այդ դիմակայությունում շատ թույլ է խաղացել։

«Ռիբերին՝ իր տրամադրությունից և զգացմունքներից մեծապես կախված ֆուտբոլիստ է։ Անհրաժեշտ է նրա հետ երկար զրուցել և աշխատել այդ ուղղությամբ, հասկանալով նրա անհատական հատկանիշները։ Միշտ էլ դժվար է խոսել այն մասին, թե ինչն է նրան մտահոգում այս կամ այն պահին։

Նրա կարգի խաղացողի համար բարդ է նվաճել երեք տիտղոս, բայց չդառնալ Տարվա լավագույն ֆուտբոլիստ։ Բայց չէ՞ որ այդ մտքերը պետք է անցյալում թողնել և հաղթահարել ամեն ինչ։ Գլխավորը ոչ թե Ռիբերիի նվաճումներն են, այլ «Բավարիայի» թիմային հաջողությունները»,-նշել է անվանի մարզիկը։

Armsport.am