«Բավարիայի» կիսապաշտպան Բաստիան Շվայնշտայգերը մեծ հույսեր է կապում մրցաշրջանի երկրորդ հատվածի հետ:

Ինչպես հայտնի է, Շվայնշտայգերը ուսի վնասվածքի պատճառով չի մասնակցել «Բավարիայի» վերջին հանդիպումներին: Սակայն այժմ ֆուտբոլիստն արդեն ապաքինվել է և պատրաստ է վերականգնել իր նախկին մարզավիճակը, որպեսզի կարողանա օգնել մյունխենցիներին Գերմանիայի առաջնությունում և Չեմպիոնների լիգայում:

«Ես արդեն լավ եմ զգում ինձ: Իհարկե, որոշակի շարժումների ժամանակ ուսս դեռ անհանգստացնում է, բայց կարծում եմ, որ շուտով ամեն ինչ կարգին կլինի, - ասել է Բաստիանը, - մեծ ակնկալիքներ ունեմ 2012թ.-ից, բայց լավ արդյունքի հասնելու համար ես պետք է լինեմ լավագույն մարզավիճակում»: