Գլխավոր » 2012 » Հունիս » 8 » ՎԵՐՋԱՊԵՍ ՄԵԿՆԱՐԿՈՒՄ Է ԵՎՐՈ 2012-Ը (ՏԵՍԱՆՅՈՒԹ)

---

11:36 ՎԵՐՋԱՊԵՍ ՄԵԿՆԱՐԿՈՒՄ Է ԵՎՐՈ 2012-Ը (ՏԵՍԱՆՅՈՒԹ)

Այսօր վերջապես կմեկնարկի այդքան սպասված Եվրոպայի 2012 թվականի առաջնությունը: Գրեթե մեկ ամսվա ընթացքում մասնակից 16 թիմերը Լեհաստանում և Ուկրաինայում կվիճարկեն Եվրոպայի ուժեղագույն հավաքականին: Այդ ընթացքում ֆուտբոլասերները մեծ լարվածությամբ և անհաբերությամբ կհետևեն ֆուտբոլային մեծ տոնահանդեսին:  Բացումը տեղի կունենա  Երևանի ժամանակով 19:30-ին Լեհաստանի մայրաքաղաք Վարշավայում: Բացման արարողությունից անմիջապես հետո առաջնության մեկնարկը կտան A խմբում ընդգրկված կազմակերպիչ երկրի` Լեհաստանի և 2004 թվականի Եվրոպայի չեմպիոն` Հունաստանի հավաքականները: Առաջին խաղային օրվա երկրորդ հանդիպման շրջանակներում 22:45-ին լեհական Վրոցլավ քաղաքում առճակատման դուրս կգան Ռուսաստանի և Չեխիայի ընտրանիները:    Իհարկե գերմանական ֆուտբոլի երկրպագուների ուշադրությունը սևեռված է լինելու B խմբին, որտեղ ընդգրկված է Գերմանիայի ազգային հավաքականը: "Մահվան խմբում" Բունդեսթիմը առաջին երկու խաղերում ստիպված կլինի հաշվի նստել առաջնության հաղթողի երկու ռեալ հավակնորդների` Պորտուգալիայի և Հոլանդիայի հզոր հավաքականների հետ:  Հունիսի 9-ին 22:45-ին `Ուկրաինայի Լվով քաղաքում Յոահիմ Լյովի սաներին կդիմակայեն պորտուգալացիները:  Մեր կայքը կլուսաբանի Գերմանիայի հավաքականի ելույթները և ուղիղ հեռարձակմամբ կցուցադրի Բունդեսթիմի մասնակցությամբ բոլոր հանդիպումները:

1 2 3 4 5 Դիտումներ: 510 | Ավելացրեց: Oliver | Վարկանիշ: 0.0/0

Մեկնաբանություններ: 0