«Բավարիայի» գլխավոր մարզիչ Խոսեպ Գվարդիոլան ընդգծել է, որ թիմի կիսապաշտպան Ֆրանկ Ռիբերիի անշուք խաղը կապված է ոչ թե նրա առողջական, այլ հոգեբանական վիճակի հետ: Մասնագետի խոսքով, փետրվարին ենթարկված վիրահատությունը չի ազդել ֆրանսիացու ֆիզիկական վիճակի վրա:

«Խնդիրը գլխում է, այլ ոչ թե ոտքերում: Վիրահատությունն արդեն մոռացվել է: Նրան հարկավոր է գտնել իր խաղային ռիթմը:

Ես աջակցում եմ Ֆրանկին, նրա հետ ամեն օր խոսում եմ: Նույնիսկ երբ նա լավագույն վիճակում չէ, միևնույն է՝ փորձում է ամբողջությամբ տրվել թիմին: Վստահ եմ, որ «Ռեալի» հետ կայանալիք պատասխան մրցավեճում նրա խաղը կրկին նախկին բարձունքում կլինի»,- ասել է կատալոնացին:

Ի դեպ, ֆրանսիացու՝ հոգեբանական մասով խնդիր ունենալու մասին այսօր խոսել էր նաև մյունխենցիների նախկին դարպասապահ Օլիվեր Կանը, ակնարկելով, որ Ռիբերին պետք է մոռանա Տարվա լավագույն ֆուտբոլիստ չդառնալու «անհաջողությունը»։

Armsport.am