Յոախիմ Լյով. Որպես մրցակից մենք պատահական չենք ընտրել հենց Հայաստանի թիմին

Գլխավոր » 2014 » Հունիս » 6 » Յոախիմ Լյով. Որպես մրցակից մենք պատահական չենք ընտրել հենց Հայաստանի թիմին

10:41 Յոախիմ Լյով. Որպես մրցակից մենք պատահական չենք ընտրել հենց Հայաստանի թիմին
Այսօր երեկոյան Մայնցում կայանալու է Գերմանիա- Հայաստան ֆուտբոլային ընկերական հանդիպումը: Գերմանացիների գլխավոր մարզիչ Յոախիմ Լյովը նշել է, որ իրենք պատահական չեն ընտրել հենց Հայաստանի ընտրանուն: «Հայաստանի հավաքականը հիմնականում խաղում է հակագրոհներով, ինչպես Պորտուգալիայի ընտրանին, որին էլ մենք հանդիպելու ենք Աշխարհի առաջնության առաջին իսկ խաղում»,- Լյովի խոսքերը մեջբերում է goal.com-ը: Իսկ Հայաստանի հավաքականի գլխավոր մարզիչ Բեռնար Շալանդն էլ խոստովանել է, որ այս խաղը մեծ նշանակություն ունի, քանի որ ամեն օր չի, որ հնարավորություն է լինում խաղալ Գերմանիայի պես ուժեղ թիմի դեմ: «Մենք պետք է ոչ միայն հակագրոհենք, այլեւ կարողանանք հարձակողական ֆուտբոլ ցուցադրել: Միաժամանակ այնքան էլ խելամիտ չի լինի Գերմանիայի դեմ խաղալ միայն հարձակողական ֆուտբոլ եւ պետք է կարողանալ լավ պաշտպանվել»,- Շալանդի խոսքերը հաղորդում է ՀՖՖ-ի պաշտոնական կայքը: Գերմանիա- Հայաստան ընկերական հանդիպումը կայանալու է Երեւանի ժամանակով ժամը 22:45-ին: sport.mediamax.com FONT- tahoma SIZE 14
1 2 3 4 5 Դիտումներ: 340 \| Ավելացրեց: Hinkel25 \| Վարկանիշ: 0.0/0