ԱՅՆՏՐԱԽՏ - ԲԱՎԱՐԻԱ 1:1

Գլխավոր » 2011 » Ապրիլ » 23 » ԱՅՆՏՐԱԽՏ - ԲԱՎԱՐԻԱ 1:1

20:12 ԱՅՆՏՐԱԽՏ - ԲԱՎԱՐԻԱ 1:1
Ֆրանկֆուրտի Այնտրախտի հետ խաղում «Բավարիան» չկարողացավ վաստակել այդքան անհրաժեշտ 3 միավորը: Մյունխենցիները հանդիպումը սկսեցին բավականին ակտիվ կերպով և կարող էին հաշվի մեջ առաջ անցնել արդեն մեկնարկային րոպեներին, սակայն վերջին վճռական հարվածը համառորեն չէր ստացվում: Չնայած այդ ամենին առաջին խաղակեսում հաշիվը այդպես էլ չբացվեց և թիմերը ընդմիջման գնացին ոչ-ոքի հաշվով: Երկրորդ խաղակեում ստացվեց այնպես, ինչպես հաճախակի ստացվում է այս մրցաշրջանի ընթացքում: Հիանալի առաջին խաղակեսին հետևեց ձախողված երկրորդը: Կարելի է հիշել բազմաթիվ հանդիպումներ, երբ «Բավարիան» առաջին խաղակեսում ունենալով բացահայտ առավելություն համարձակվել է տանուլ տալ ոչ միայն երկրորդը, այլև ողջ դիմակայությունը: Երկորդ խաղակեսում տանտերերը սկսեցին աչքի ընկնել ակտիվ գործողություններով: Ոչ պարտադիր խախտման արդյունքում տանտերերը ստանալով տուգանային հարվածի իրավունք 54-րդ րոպեին կարողացան հաշվի մեջ առաջ անցնել: Կոհլերի փոխանցումից հետո անվստահ գործեց Անատոլիյ Տիմոշչուկ, որի արդյունքում Ռոդեն գնդակը ուղարկեց Բուտի պաշտպանած դարպասը: Բաց թողած գոլից հետո հյուրնկալվող թիմի ֆուտբոլիստները հայտնվեցին շոկային իրավիճակում: Զարմանալի է, բայց «Բավարիայի» ֆուտբոլիստները երկար ժամանակ նույնիսկ չէին կարողանում սպառնալ Ռալֆ Ֆահրմանի պաշտպանած դարպասին: Րոպեները ընթանում էին, իսկ «քարը» այդպես էլ տեղից չէր շարժվում: Դրվագներից մեկում, երբ ֆրանկֆուրտցի պաշտպան Քլարկը սեփական տուգանային հրապարակում ակնհայտորեն ձեռքով խաղաց մրցավար պարտավոր էր նշանակել 11 մետրանոց հարված, սակայն Դրիսի սուլիչը այդպես էլ լռեց: Որքան խաղի ավարտը մոտենում էր իր հանգուցալուծմանը, այդքան բավարացիները սկում էին նյարդայնանալ և այդ ավելորդ լարվածության շնորհիվ վաստակում էին դեղին քարտեր: Այդուհանդերձ Բավարիան» կարողացավ փրկվել հանդիպման նախավերջին րոպեին: Լուիս Գուտավոին վայր գցելու համար մրցավարը առանց վարանելու վերջապես ցույց տվեց 11 մետրանոց նշակետը: Փրկության գոլը նշակետից հեղինակեց առաջնության լավագույն ռմբարկու Մարիո Գոմեսը: Այս ոչ-ոքի արդյունքից հետո Բավարիան կրկին նահանջեց չորրորդ հորիզոնական, քանի որ հինգշաբթի երեկոյան Հանովերը հյուրնկալվելիս 3:1 հաշվով պարտության էր մատնել Ֆրայբուրգին: Առաջնության ավարտին մնացել է երեք տուր և հուսանք, որ մրցաշարային աղյուսակի վերջնական արդյունքներով մեր սիրելի թիմը կկարողանա նվաճել երրորդ բաղձալի հորիզոնականը: ԱՅՆՏՐԱԽՏ - ԲԱՎԱՐԻԱ 1:1 23.04.11.Կոմերցբանկ Արենա (51,500) Գոլեր` Ռոդե 54' - Գոմես 89' 11մ մրցավար` Յոխին Դրիս ԱՅՆՏՐԱԽՏ: Ֆահրման - Յունգ, Ռոդե,Ռուս,Կոհլեր - Շվեգլեր, Քլարկ - Օխս, Հալիլ Ալթինթոփ, Ֆենին (Կաիո 90+4') - Գեկաս ԲԱՎԱՐԻԱ: Բուտ - Լահմ, վան Բույտեն, Լուիս Գուստավո, Կոնտենտո - Տիմոշչուկ (կրոս 69'), Շվայնշտայգեր - Մյուլեր, Ռիբերի - Կլոզե,Գոմես Զգուշացումներ` Յունգ, Կոհլեր, Օխս/ Կոնտենտո, Լուիս Գուստավո, Շվայնշտայգեր, Գոմես
1 2 3 4 5 Դիտումներ: 597 \| Ավելացրեց: Oliver \| Վարկանիշ: 0.0/0