19:45 ԲԱՎԱՐԻԱ - ՀԱՄԲՈՒՐԳ 6:0 | |
ԲԱՎԱՐԻԱ - ՀԱՄԲՈՒՐԳ 6:0 Ալիանց Արենա. 69.000 12.03.11 18:30 Բավարիա: Կրաֆտ - վան Բույտեն, Լուիս Գուտավո (Բադշտուբեր 67'), Պրանյիչ, Լահմ - Շվայնշտայգեր, Կրոս - Մյուլլեր, Ռոբեն (Հ.Ալթինթոփ 70), Ռիբերի - Գոմես (Կլոզե 73') Համբուրգ: Ռոստ - Ռինկոն, Կաչար, Վեստերման, Աօգո - Յարոլիմ, Զե Ռոբերտո - Բեն Հատիրա (Յանսեն 66'), Էլիա - Պետրիչ, Գերերո (Տեշե 68') Գոլեր` Ռոբեն 40', 47', 55', Ռիբերի 64', Մյուլեր 79', Վեսթերման 85' ինքնագոլ Զգուշացումներ` Կլոզե/Գերերո Մրցավար` Միխայիլ Վերներ Երեք անհաջող հանդիպումներից հետո Բավարիան սեփական հարկի տակ քարը քարի վրա չթողեց Համբուրգին, ջախջախելով խոշոր 6:0 հաշվով: Առաջին րոպեներից տանտերերը նախորդ երեք խաղերում կրած պարտություններից հետո վիրավոր գազանի պես առաջ նետվելով փորձում էին ցույց տալ իրենց զայրույթը: Չնայած դրան տանտերերը հաշիվ բացեցին առաջին խաղակեսի վերջնամասում: 40-րդ րոպեին Ռիբերիի փոխանցումից հետո հարվածային դիրքում հայտնված Ռոբենը հուժկու հարվածով պարզապես գնդակահարեց Ռոստի պաշտպանած դարպասը`1:0: Երկորդ խաղակեսը սկսեց այնպես, ինչպես ավարտվեց առաջինը: Եվ կրկին Արյեն Ռոբենը այս անգամ տուգանայինից կատարած հարվածով կրկնապատկեց հաշիվը: Ոգևորված բավարացիների գրոհների տարափը պարզապես չէր դադարում: 55-րդ րոպեին նորից գործեց Ռիբերի-Ռոբեն զույգը: Կրկին ֆրանսիացու փոխանցումից հետո աչքի ընկավ ամենահաս Ռոբենը` դառնալով դասական հեթ-տրիկի հեղինակ` 3:0: Քիչ անց 64-րդ րոպեին վերջապես գոլի հեղինակ դարձավ արդեն Ռիբերին: Չբավարարվելով ձեռք բերածով Բավարիան շարունակում էր կրակի տակ պահել Համբուրգի դարպասը: Հանդիպման մնացած հատվածում հիասթափված Ֆրենկ Ռոստը ստիպված եղավ գնդակը սեփական դարպասից հանել ևս երկու ագամ: 5-րդ գնդակը հեղինակեց Թոմաս Մյուլլերը, իսկ 6-րդ գոլը Համբուրգի դարպասը խփեց Վեսթերմանը` գնդակը պատահմամաբ ուղարկելով սեփական դարպասը: Այսպիսով Բավարիան Չեմպիոնների լիագայում 1/8 եզրափակիչում Ինտերի դեմ հանդիպանը կմոտենա բավականին ոգևորված և բարձր տրամադրությամբ, ինչը անշուշտ շատ կարևոր գործոն է: | |
|
Մեկնաբանություններ: 2 | |||||||
|