11:31 ԲԱՎԱՐԻԱՆ ՀՌՉԱԿՎԵՑ ՁՄԵՌԱՅԻՆ ՉԵՄՊԻՈՆ | |
Երեկ երեկոյան կայացավ Բունդեսլիգայի առաջին շրջանի վերջին` 17-րդ տուրի առաջին հանդիպումը: Բավարիան սեփական հարկի տակ ընդունել էր առաջնության միջնեկ` Քյոլնին: Առաջին խաղակեսում Բավարիան իր խաղային և տարածքային առավելություն ոչ մի կերպ չկարողացավ գոլի վերածել: Այդ ամենին գումարած հանդիպման 33-րդ րոպեին Քյոլնի պաշտպան` Սերենոյի սադրանքի արդյունքում` Ֆրենկ Ռիբերին չկարողանալով զսպել իր նյարդեը մի քանի վայրկյանների ընթացքում երկու դեղին քարտ ստացավ և հեռացվեց խաղադաշտից: Չնայած, որ Բավարիան մնաց 10 հոգով` այդուհանդերձ երկրորդ խաղակեսում Հայկենսի սաները երեք անպատասխան գնդակ ուղարկեցին քանակական առավելություն ստացած մրցակցի դարպասը: Առաջին գնդակը 48-րդ րոպեին Մյուլլերի փոխանցումից հետո իր հաշվին գրանցեց Մարիո Գոմեսը: Հայկենսը խփած գոլից քիչ հետո Մյուլլերի փոխարեն խաղադաշտ մտցրեց Ալաբային: Երիտասարդ ֆուտբոլիստը բավականին հաջող ներգրավվեց խաղին և կարողացավ 63-րդ րոպեին կրկնապատկել հաշվի տարբերությունը, իսկ խաղավարտից 2 րոպե առաջ հանդիպման վերջակետը դրեց տոնի Կրոսը` 3:0: Այսպիսով Բավարիան հռչակվեց Բունդեսլիգայի առաջին շրջանի` կամ ձմեռային չեմպիոն: Որպես չգրված օրենք Գերմանիայի ձմեռային չեմպիոնը` ողջ մրցաշրջանի արդյունքներով գրեթե միշտ դառնում է նաև չեմպիոն: ԲԱՎԱՐԻԱ-ՔՅՈԼՆ 3:0 գոլեր`Մյուլլեր 48',Ալաբա 63', Կրոս 88' ԲԱՎԱՐԻԱ: Նոյեր - Ռաֆինյա,Բադշտուբեր,վան Բույտեն,Լահմ - Տիմոշչուկ, Կրոս - Ռիբերի,Մյուլլեր(Ալաբա52'),Ռոբեն(Լուիս Գուստավո 76')-Գոմես(Օլիչ 78') ՔՅՈԼՆ:Ռենզինգ-Բրեչկո (Մակինո 14'),Ժերոմել,Ջեմալ,Սերենո - Մակկենա,Ռիթեր-Կլեմենս,Պեշկո (Ռոշի 69')-Յայալո-Պոդոլսկի (Ֆրեյս 68') Զգուշացումներ`Սերենո,Յայալո,Պեշկո,Մակկենա/Ռիբերի Հեռացում`Ռիբերի | |
|
Մեկնաբանություններ: 3 | ||||||||
|