20:32 ԲԱՎԱՐԻԱՅԻ ՀԱՋՈՂՈՒԹՅԱՆ ԳԱՂՏՆԻՔԸ | |
Goal.com-ը համեմատել է «Բավարիայի»
ելույթները
Բաստիան Շվայնշտայգերի մասնակցությամբ և առանց նրա: Մյունխենի «Բավարիայի» պաշտպանությունը մեկ ամիս առաջ անանցանելի էր համարվում: Թիմը 18 հանդիպումներում ընդամենը 4 գոլ էր բաց թողել և անառիկ պահել դարպասը այնպիսի մրցակիցների հետ խաղում, ինչպիսիք են «Մաչեսթեր Սիթին», «Վիլյառեալը», «Շալկեն» և «Բայերը»: Թվում էր` «Բավարիայի» պաշտպանությունը մեկ ամռան ընթացքում կերպարանափոխվել և դարձել է լավագույններից մեկը աշխարհում: Սակայն առաջին տպավորությունը ճշմարտացի չէր: «Բավարիայի» պաշտպանական քառյակը, տարբեր խաղացողների համդրությամբ, վերջին մեկ ամսում իրենից երևելի ոչինչ չէր ներկայացնում: Մյունխենցիները վերջին յոթ հանդիպումներից և ոչ մեկում չեն կարողացել անառիկ պահել սեփական դարպասը և բաց են թողել 10 գոլ: Սեփական դարպասների մոտ այսօրինակ վատ խաղի պատճառը ո՞րն է: Միայն մեկ պատասխան`Բաստիան Շվայնշտայգեր: Մինչ վերջինս հենակետային դիրքում պատնեշ էր հանդիսանում, ակումբը 18 խաղից միայն 15-ում է գոլ բաց թողել և 1147 րոպե «չոր» խաղ էր ցուցադրել: Բայց նոյեմբերի 2-ին «Նապոլիի» հետ խաղում Բաստիանը Ինլեռի հետ դաժան բախումից հետո ստիպված եղավ լքել խաղադաշտը: Ախտորոշում`անրակի կոտրվածք, երկար վերականգնողական շրջան: Շվայնշտայգերի վերադարձը մինչ ձմեռային հանգիստը գրեթե անհնար է: Ճիշտ է «Նապոլիի» հետ հանդիպումն ավարտվեց «Բավարիայի» հաղթանակով, սակայն հաջորդ խաղն առանց Շվայնշտայգերի ցույց տվեց, որ «Բավարիային» մինչ Ամանոր դժվար փորձություններ են սպասվում: Բունդեսլիգայի հետնապահներից «Աուգսբուրգի» հետ խաղում բաց թողնված գոլը շատ բանի մասին էր խոսում: Առանց Բաստիանի «Բավարիան» վատ է խաղում կիսապաշտպանությունում, հետևաբար նաև պաշտպանական գծում: Գերմանիայի հավաքականի կիսապաշտպանը զգալիորեն թեթևացնում էր խաղընկերների աշխատանքը: Շնորհիվ գերազանց դիքային խաղի, գնդակ պահելու և խլելու փայլուն դրսևորումների Շվայնշտայգերի թիմի կենտրոնական պաշտպանները խիստ հազվադեպ էին դիմավորում մրցակցի հարձակվող ֆուտբոլիստներին: Սա էր պատճառը, որ «Բավարիայի» պաշտպանները կարողանում էին վնասազերծել հեռահար փոխանցումները, դարպասային հրապարակում առաջինն էին տիրում գնդակին, փակում էին ազատ դիրքերը տուգանայինների ժամանակ և շատ հազվադեպ էին կասեցնում կենտրոնական դիրքից հարձակումները: Իսկ, երբ մյունխենյան ակումբի պաշտպանները ստիպված եղան նաև դիմավորել կենտրոնից ընթացող կազմակերպված հարձակումներն, այդժամ արդեն պարզ դարձավ, որ «Բավարիայի» պաշտպանական գիծը բավականին հեռու է իդեալական լինելուց: Բարեբախտաբար, «Բավարիան» լավ հարձակողական գիծ ունի և Բաստիանի բացակայության ընթացքում կարողանում է գրավել մրցակցի դարպասն ավելի շատ, քան բաց է թողնում սեփականը: Եթե «Բավարիան» այս մրցաշրջանում տիտղոսների է հավակնում, ապա դրանք առանց Շվայնշտայգերի անհնարին կլինի նվաճել: «Բավարիայի» ցուցանիշները մինչ նոյեմբերի 2-ը Խաղերը - 18 Բաց թողնված գոլերի քանակը - 4 Միջին հաշվարկով մեկ խաղում բաց թողնված գոլերի քանակը - 0.22 Առանց բաց թողնված գոլերի անցկացրած խաղերը - 15 Հաղթանակներ - 14 Հաղթանակների տոկոսը - 77.8% «Բավարիայի» ցուցանիշները նոյեմբերի 2-ից հետո Խաղերը - 7 Բաց թողնված գոլերի քանակը - 10 Միջին հաշվարկով մեկ խաղում բաց թողնված գոլերի քանակը - 1.4 Առանց բաց թողնված գգոլերի անցկացրած խաղերը - 0 Հաղթանակների տոկոսը - 57% Կլարկ Ունտին Goal.com Պատրաստեց՝ Սամվել Սարգսյանը Աղբյուր`
| |
|
Մեկնաբանություններ: 3 | ||||||||
|