11:36 ԲՈՒՆԴԵՍԼԻԳԱ.22-ՐԴ ՏՈՒՐԻ ԱՆՈՆՍ(VIDEO).ԱՌԱՋԱՏԱՐՆԵՐՆ ԸՆԴԴԵՄ ԵՏՆԱՊԱՀՆԵՐԻ | |
Բունդեսլիգայի 22-րդ տուրում Բավարիան կհյուրընկալվի ետնպահաների շարքում գտնվող Ֆրայբուրգին: Կարծես, թե Յուպ Հայկենսի սաները խաղից խաղը սկսում են վերադառնալ իրենց բարձր խաղամակարդակին:Մրցաշրջանի երկրորդ կեսի անհաջող մեկնարկից հետո`նախորդ երկու հանդիպումներում Բավարիան բավականին պատշաճ մակարդակի ֆուտբոլ ցուցադրեց: Ինչ վերաբերվում է Ֆրայբուրգին, ապա թիմը նախորդ տուրում` Վոլֆսբուրգի հետ խաղում համառ պայքարում տանուլ տվեց` 3:2 հաշվով: Սպասվում է, որ այսօրվա ֆրայբուրգյան հանդիպումը Բավարիայի համար հեշտ զբոսանք չի լինելու: Առաջատար Դորտմունդի Բորուսիան կհյուրընկալվի ծանր ժամանակներ ապրող Բեռլինի Հերտային: Մայրաքաղային ակումբը` նորանշանակ մարզիչ Միխայիլ Սկիբեի գլխավորությամբ այս տարվա բոլոր խաղերում պարտություններ կրեց:Ակումբի ղեկավարության համբերության "բաժակը լցվեց", նախորդ տուրում Շտուտգարտից կրած` 0:5 հաշվով խայտառակ պարտությունից հետո: Արդյունքում Սկիբեն "վռնդվեց" թիմից: Հերտան այս կարճ ժամանակահատվածում հասցրեց դուրս մնալ Գերմանիայի գավաթի խաղարկությունից և հանգրվանելով Բունդեսլիգայի մրցաշարային աղյուսակի 15-րդ հորիզոնականում` դարձավ առաջնության բացահայտ ետնապահներից մեկը: Առաջատարների խմբում ընթացող Մյունխենգլադբախի Բորուսիան, այս տուրի շրջանակներում կմեկնի Կայզերսլաուտեռն:Գլադբախցիները ամենայն հավանականությամբ խաղադաշտ դուրս կգան առանց վնասվածք ստացած Մարկո Ռոյսի: Բորուսիայի առաջատարը մարզումներից մեկի ժամանակ վնասել է աջ ազդրի մկանը և անորոշ ժամանակավ դուրս է մնացել շարքից: Բավականին ծանր օրեր են ապրում նաև Մարկո Կուրցի սաները: Կայզերսլաուտեռնը վերջին անգամ հաղթանակ է տոնել նախորդ տարվա հոկտեմբերի 22-ին:11-րդ տուրում` "կարմիր սատանաները" սեփական հարկի տակ նվազգույն` 1:0 հաշվով առավելության էին հասել Ֆրայբուրգի նկատմամբ: Դրանից հետո շուրջ 11 հանդիպում է Կայզերսլաուտեռնը հաղթանակ չի տարել: Այսօրվա խաղը կարող է ճակատագրական լինել նաև թիմի գլխավոր մարզիչ` Մարկո Կուրցի համար: Տուրի կենտրոնական հանդիպումը կկայանա Գելզենկիրխենում, ուր Շալկե 04-ը կմրցի Վոլֆսբուրգի հետ: Նախորդ տուրում Բորուսիայից կրած խայտառակ պարտությունից հետո սպասվում է, որ Հուբ Ստեվենսի սաները խաղադաշտ դուրս կգան վճռականությամբ լի և կձգտեն միավորներ չկորցնել: Այս հարցում հավանաբար այլ կարծիք ունեն ֆելիքս Մագատի սաները, որոնք հանդիպմանը կներկայանան բարձր տրամադրությամբ,քանի որ նախորդ տուրում "գայլերը"` իրենց հանդիպումը հաղթանակով էին ավարտել: ՏՈՒՐ 23 Փետրվարի 17, ուրբաթ 23:30 Հոֆֆենհայմ - Մայնց 1:1 գոլեր`Նովեսկի 9' ինք - Մ.Զիդան 29' Փետրվարի 18, շաբաթ 18:30 Բայեր - Աուգսբուրգ 18:30 Համբուրգ - Վերդեր 18:30 Հերտա - Բորուսիա Դ 18:30 Կայզերսլաուտեռն - Բորուսիա Մ 18:30 Նյուրնբերգ - Քյոլն 21:30 Ֆրայբուրգ - Բավարիա Փետրվարի 19, կիրակի 18:30 Շալկե 04 - Վոլֆսբուրգ 20:30 Հաննովեր - Շտուտգարտ | |
|
Մեկնաբանություններ: 2 | |||||||
|