15:31 ԲՈՒՆԴԵՍԼԻԳԱ.ՏՈՒՐ 22. ԲԱՎԱՐԻԱՆ ՆԱՀԱՆՋՈՒՄ Է, ԻՍԿ ԲՈՐՈՒՍԻԱՆ ԱՐԱԳՈՒԹՅՈՒՆ Է ԶԱՐԳԱՑՆՈՒՄ | |
Բունդեսլիգայի 22-րդ տուրոում Բավարիան արտագնա խաղում չկարողացավ կոտրել առաջնության ետնապահներից` Ֆրայբուրգի դիմադրությունը: Մյունխենյան ակումբի միավորների կորստից հիանալի օգտվեցին նրա անմիջական մրցակիցները: Դորտմունդի Բորուսիան նվազագույն հաշվով պարտության մատնեց Հերտային և 4 միավորի առավելություն ստացավ Բավարիայի նկատմամբ: Այս ոչ-ոքիի արդյունքում Յուպ Հայկենսի սաները նահանջեցին երրորդ հորիզոնական, քանի որ թիկունքում գտնվող Մյունխենգլադբախի Բորուսիան նույնպես առավելության հասավ իր մրցակցի նկատմամբ և բարձրացավ երկրորդ տեղ: Չեմպիոնական մրցավազքից փորձում է հետ չմնալ նաև Գելզենկիրխենի "Շալկե 04"-ը: Հուբ Ստեվենսի սաները սեփական հարկի տակ`4:0 հաշվով ջախջախեցին Վոլֆսբուրգին: Այժմ գելզենկիրխցիները երրորդ տեղում ընթացող Բավարիայից ետ են մնում ընդամենը մեկ միավորով: Տուրի կենտրոնական հանդիպումներից մոկըը կայացավ Համբուրգում, ուր հյուսիսգերմանական դերբիի շրջանակներում մրցեցին տեղի Համբուրգը և Բրեմենի Վերդերը: Բավականին բարդ օրեր ապրող Համբուրգը չկարողացավ արժանի դիմադրություն ցույց տալ բրեմենցիներին: Հյուրերը 1:3 հաշվով վստահ հաղթանակ տոնեցին և 36 միավորով ամրապնդվեցին 5-րդ հորիզոնականում: Ինչ վերաբերվում է Համբուրգին, ապա Գերմանիայի երբեմնի գրանդ ակումբներից մեկը`ընթացիկ մրցաշրջանում պայքարում է իր տեղը ուժեղագույնների խմբում պահպանելու համար: Ֆրայբուրգ - Բավարիա 0:0 Հերտա - Բորուսիա Դ. 0:1 գոլ՝ Գրոսկրոյց 66' Կայզերսլաուտերն - Բորուսիա Մ. 1:2 գոլեր՝ Յեսեն 63' - Հերման 10', Արանգո 15' Համբուրգ - Վերդեր 1:3 գոլերը՝ Պետրիչ 76' - Մարին 9', Տրամբիլ 45', Արնաուտովիչ 86' Բայեր Լևերկուզեն - Աուգսբուրգ 4:1 գոլեր՝ Կիսլինգ 25' 65', Կաստրո 62', Շյուրլե 71' - Կու 50' Նյուրենբերգ - Քյոլն 2:1 գոլեր՝ Էսուեն 28', Պեկատ 85' - Նովակովիչ 66': Շալկե - Վոլֆսբուրգ 4:0 գոլեր` Ռաուլ 10', Հունտելաար 15', 72', Մատիպ 49' Հաննովեր - Շտուտգարտ 4:2 գոլեր` Հագի 25', Մ. Դիուֆ 32', Պանդեր 46', Ստինդլ 73’ - Հարնիկ 75', Օկազակի 79' | |
|
Մեկնաբանություններ: 6 | |||||||||||
|