ՉԵՄՊԻՈՆՆԵՐԻ ԼԻԳԱ.ԲԱՎԱՐԻԱՅԻ ՀԱՎԱՆԱԿԱՆ ՄՐՑԱԿԻՑՆԵՐԸ

Գլխավոր » 2011 » Դեկտեմբեր » 9 » ՉԵՄՊԻՈՆՆԵՐԻ ԼԻԳԱ.ԲԱՎԱՐԻԱՅԻ ՀԱՎԱՆԱԿԱՆ ՄՐՑԱԿԻՑՆԵՐԸ

13:30 ՉԵՄՊԻՈՆՆԵՐԻ ԼԻԳԱ.ԲԱՎԱՐԻԱՅԻ ՀԱՎԱՆԱԿԱՆ ՄՐՑԱԿԻՑՆԵՐԸ
Խմբում առաջին տեղ գրավելը այդքան էլ մեծ առավելություն չի համարվում: Եթե ուշադրություն դարձնենք մյուս խմբերում երկրորդ տեղ գրաված ակումբներին, ապա ամեն ինչ պարզ կլինի: Չնայած նրան, որ խմբային փուլը մյունխենցիները ավարտեցին Մանչեսթերում կրած պարտությունով, այդուհանդերձ դա Բավարիային չխանգարեց խմբում առաջին տեղը գրավել: Երկրորդ զամբյուղում ընդգրկված թիմերից Բավարիային որպես մրցակից չի կարող լինել Նապոլին և Լևերկուզենի Բայեր, քանի որ իտալական ակումբը Բավարիայի հետ ընդգրկված էր միևնույն խմբում, իսկ 1/8 եզրափակիչում ըստ ՈՒԵՖԱ-ի կանոնագրքի` միևնույն երկրի ակումբներ չեն կարող միմյանց հետ մրցել: Բունդեսլիգայի առաջատարին այդ պատճառով մնում է 6 պոտենցիալ մրցակից: Այդ թիմերից առաջինը Մոսկվայի ԲԿՄԱ-ն է, որը միայն խմբային փուլի վերջին տուրում կարողացավ նվաճել փլեյ-օֆֆի ուղեգիր: Ռուսական թիմը հյուրընկալվելիս հաղթեց, Բավարիային քաջ ծանոթ Միլանի Ինտերին: 2-րդ մրցակիցը` Բազել: Շվեյցարական ակումբը խաղարկությունից դուրս թողնելով Մանչեսթեր Յունայթեդին`դարձավ ընթացիկ մրցաշրջանի ամենամեծ սենսացիաներից մեկի հեղինակը: Հեյկո Ֆոգելի սաները վերջին տուրի շրջանակներում վճռորոշ խաղում` 2:1 հաշվով արժանի հաղթանակ տարան Սըր Ալեքս Ֆերգյուսոնի սաների նկատմամբ: 3-րդ մրցակիցը` Լիոն: Վերջին տուրից առաջ ֆրանսիական ակումբի մրցաշարային գործերը բավականին բարդ էին, սակայն լիոնցիները իրենց խնդիրը կարողացան լուծել ոչ միայն իրենց ուժերով, այլև զուգահեռաբար խաղում Մադրիդի Ռեալի օգնությամբ: Լիոնը Զագրեբի Դինամոյին հաղթեց անհրաժեշտ գոլային տարբերությամբ` 7:1, իսկ Ռեալը երեք գնդակ ուղարկեց Այաքսի դարպասը և ֆրանսիական ակումբին օգնեց դուրս գալ հաջորդ փուլ: 4-րդ մրցակիցը` Մարսել: Ֆրանսիական ակումբ, որը աչքի է ընկնում իր կամային բարձր որակներով: Մարսելցիները 1/8 եզրափակչի ուղեգիր վաստակեցին Դորտմունդի Բորուսիայի հետ հանդիպման վերջնամասում, երբ 1:2 հաշվով զիջելուց հետո ֆրանսիացիները կարողացան երկու րոպեի ընթացքում երկու գնդակ խփել և հասնել անհրաժեշտ հաղթանակի: 5-րդ մրցակիցը`Զենիթ: Բավարիայի երկրպագուները այս ռուսական ակումբին պետք է, որ լավ հիշեն ՈՒԵՖԱ-ի գավաթի 2007-2008 թթ խաղարկությունից, երբ ռուսական ակումբը` Սանկտ-Պետերբուրգում ցավալի` 4:0 պարտության մատնեց մյունխենյան գրանդին: Այս մրցաշրջանում Բավարիան կարող է ռևանշի հասնել, եթե իհարկե վիճակահանության արդյունքում նրան բաժին հասնի Զենիթը: Ռուսաստանի ներկայացուցիչը G խմբում գրավեց երկրորդ տեղը: Դա նրանց հաջողվեց վերջին տուրում Պորտուի հետ արտագնա գոլազուրկ ոչ-ոքիի արդյունքում: 6-րդ մրցակիցը` Միլան: Թերևս սա ամենանցանկալի մրցակիցն է, որը կարող է բաժին հասնել Բավարիային. քանի որ իտալական այս ակումբի հետ խաղերում Բավարիան մեղմ ասած այդքան էլ լավ հանդես չի գալիս: Դրա մասին է վկայում վերջին տարիների այս թիմերի միջև կայացած խաղերի վիճակագրությունը: Դատեք ինքներդ` պաշտոնական վերջին 6 խաղերից` 4-ում հաղթանակ է տոնել Միլանը, իսկ 2-ում գրանցվել է ոչ-ոքի արդյունքներ: Միլանը ընթացիկ խաղարկությունում ընդգրկված էր այնպիսի մի խմբում, որ այնտեղ բացի բարսելոնայից լուրջ մրցակիցներ "ռոսոներիները" չունեին: Իսկ Բարսելոնայի հետ խաղերում Միլանը բավականին լավ տպավորություն թողեց: Մնում է զինվել համբերությամբ և սպասել վիճակահանությանը: Այն տեղի կունենա մյուս ուրբաթ օրը: Ինչ վերաբերվում է Բավարիայի գլխավոր մարզիչ Յուպ Հայկենսին, ապա նա հավանական մրցակիցների առումով մտահոգություն չունի: "Եթե մենք գտնվենք մեր լավահույն մարզավիճակում, ապա կարող ենք հաղթել ցանկացածին",-ասել է Հայկենսը: Արտակ Վահանսարյան
1 2 3 4 5 Դիտումներ: 515 \| Ավելացրեց: Oliver \| Թեգեր: ԲԱՎԱՐԻԱ, Զենիթ, Միլան, Լիոն, ԲԿՄԱ, Արտակ վահանսարյան, Մարսել, Չեմպիոնների Լիգա, Բազել \| Վարկանիշ: 0.0/0