00:35 ՖՐԱՅԲՈՒՐԳ - ԲԱՎԱՐԻԱ 1:2 | |
27-րդ տուրի շրջանակներում Բավարիան հյուրնկալվել էր Ֆրայբուրգին: Չնայած, որ հանդիպման մեկնարկը անցավ տանտերերի առավելությամբ, սակայն հաշվի մեջ առաջ անցան հյուրերը: 7-րդ րոպեին ստանդարտ դիքրի խաղարկումից հետո աչքի ընկավ Մարիո Գոմեսը: Ֆրայբուրգի պատասխանը իրեն երկար սպասեցնել չտվեց: Քիչ անց Լուիս Գուստավոյի անհամաձայնեցված խաղի արդյունքում Մակիադին մեն-մենակ հայտնվեց Կրաֆտի դեմ, սակայն երիտասարդ դարպասապահը կարողացավ միայն խաղի կանոնների խախտման գնով կանգնեցնել աֆրիկացի կիսապաշտպանին: Մրցավարը առանց վարանելու նշանակեց 11 մետրանոց, սակայն առաջնության լավագույն ռմբարկուներից մեկի` Դեմբա Պապիս Սիսեի հարվածից հետո Կրաֆտը իր անձնուրաց խաղով Բավարիային փրկեց վերահաս գոլից: Այդուհանդերձ մի քանի րոպե անց Սիսեն կատարեց իր §սև գործը¦: Կրկին անգամ Լուիս Գուստավոի դիրքային սխալից հետո հարվածային դիրքում հայտնված ռմբարկուն ոչ մի շանս չթողեց Կրաֆտին`1:1: Խփած գնադկից հետո ոգևորված տանտերերը ևս մի քանի անգամ կարողացան անհանգստացնել Թոմաս Կրաֆտին: Դրվագներից մեկում գնդակը նույնիսկ դիպավ ուղղահայաց դարպասաձողին: Երկրորդ խաղակեսում Բավարիան խաղադաշտ դուրս եկավ լիովին կերպարանափոխված և գրոհների տարափներով փորձեց դիմակայության ելքը իր կողմը թեքել: Չնայած բավարացիների գործադրած ջանքերին գնդակը համառորեն չէր հայտնվում Ֆրայբուրգի դարպասում: Հիանալի դիրքերից մյունխենցիները զարմանալիորեն չէին կարողանում դիպուկ և վճռական հարված կատարել: Ժամանակը ընթանում էր, իսկ բաղձալի արդյունքը ուշանում էր: Այն բանից հետո, երբ լուր հասավ, որ զուգահեռաբար խաղում Հանովերը Հոֆենհայմի հետ խաղում առջևում է երկու գնդակի առավելությամբ, բավարացիները ուժի մեջ դրեցին իրենց ողջ հարձակվողական պոտենցիալը: Այդուհանդերձ իրենց համառության և աշխատասիրության համար մյունխենիցները պարգևատևվեցին հանիպման 88-րդ րոպեին, երբ իր անհատական փայլուն խաղի արդյունքում գեղեցիկ գոլի հեղինակ դարձավ ամենակարող Ֆրանկ Ռիբերին` 1:2 և Բավարիան անչափ կարևոր հաղթանակ տոնեց, ոչ թույլ մրցակցի նկատմամբ և ևս մեկ քայլ կատարեց դեպի Չեմպիոնների լիգայի ուղեգիր ընձեռող երրորդ հորիզոնական: ՖՐԱՅԲՈՒՐԳ - ԲԱՎԱՐԻԱ 1:2 §Բադենովա շտադիոն¦ 24,000.Ֆրայբուրգ Գոլեր`Սիսե 17' - Գոմես 7', Ռիբերի 88' ՖՐԱՅԲՈՒՐԳ: Բաուման - Մուիջա, Տոպրակ (Բարտ), Բաստիանս - Շուստեր - Կալիգիուրի (Բութչեր 85'), Ֆլում (Ռայզինգեր 77'), Մակիադի, Պուտսիլա (Յանո 89') - Սիսե ԲԱՎԱՐԻԱ: Կրաֆտ - Լահմ, վան Բույտեն, Լուիս Գուստավո, Պրանյիչ - Կրոս (Տիմոշչուկ 78'), Շվայնշտայգեր - Ռոբեն (Հ.Ալթինթոփ 30'), Մյուլեր (Կլոզե 71'), Ռիբերի - Գոմես Զգուշացումներ`Շուստեր. Ռայզինգեր Մրցավար` Պետեր Գագելման | |
|
Մեկնաբանություններ: 2 | |||||||
|