ԳՈՄԵՍԸ ՀԵՐԹԱԿԱՆ ՀԱՂԹԱՆԱԿՆ Է ՊԱՐԳԵՎՈՒՄ ԳԵՐՄԱՆԻԱՅԻՆ

Գլխավոր » » ԳՈՄԵՍԸ ՀԵՐԹԱԿԱՆ ՀԱՂԹԱՆԱԿՆ Է ՊԱՐԳԵՎՈՒՄ ԳԵՐՄԱՆԻԱՅԻՆ

01:08 ԳՈՄԵՍԸ ՀԵՐԹԱԿԱՆ ՀԱՂԹԱՆԱԿՆ Է ՊԱՐԳԵՎՈՒՄ ԳԵՐՄԱՆԻԱՅԻՆ
Գերմանիայի հավաքականը սկզբունքային մրցավեճում 2:1 հաշվով առավելության հասավ Հոլանդիայի ընտրանու նկատմամբ խմբային փուլի ավարտից մեկ տուր առաջ գրեթե 1/4 եզրափակչի ուղեգիրը նվաճեց: Հանդիպման հերոսը կրկին անգամ դարձավ Մարիո Գոմեսը, ով դարձավ դուբլի հեղինակ և ստիպեց լռել իր բոլոր քննադատներին: Հանդիպման մեկնարկը ավելի լավ անցկացրեցին"նարնջագույնները": Դրվագներից մեկում Ռոբին վան Պերսին կարող դառնալ արագ գոլի հեղինակ, սակայն հոլանդացու հարվածը թույլ ստացվեց: Գերմանացիների պատասխանը իրեն երկար սպասեցնել չտվեց և րոպեներ անց Մեսութ Օզիլի հեռահար հարվածից հետո գնդակը դիպավ ուղղահայաց դարպասաձողին և հայտնվեց Ստեկելենբուրգի ձեռքերում: 20-րդ րոպիեց ի վեր Գերմանիան սկսեց ապավինել իր ֆիրմային խաղին և հետզհետե սկսեց ճնշում գործադրել հոլանդացիների դարպասին: Նման պայմաններում գոլը իրեն երկար սպասեցնել չտվեց: Բաստիան Շվայնշտայգերի գրագետ փոխանցումից հետո "Սուպեր" Մարիոն գնդակը հիանալի ձևով կասեցրեց և այն ուղարկեց Ստեկելենբուրգի պաշտպանած դարպասը: Խփած գոլից հետո գերմանացիների սկսեցին ավելի մեծ եռանդով և ոգևորությամբ գործել, իսկ հոլանդացիները խուճապի մատնված ոչ մի կերպ չէին կարողնաում վերգտնել իրենց: Յոահիմ Լյովի սաները օգտվելով մրցակցի ընկճված վիճակից առաջին խաղակեսի վերջնամասում ևս մեկ գնդակ ուղարկեցին հոլանդացիների դարպասը: Կրկին անգամ փայլատակեց Մարիո Գոմեսը, ով սուր անկյունից կատարած դիպուկ հարվածով այս խաղում ձևակրեպեց դուբլ և առաջնությունում իր խփած գոլերի քանակը հասցրեց երեքի: Առաջին խաղակեսի վերջնամասում գերմանացիները կարող էին նաև երրորդ գնդակը ուղարկել մրցակցի դարպասը, սակայն ի ուրախություն հոլանդացիների թիմերը ընդմիջման գնացին 2:0 հաշվով: Երկրորդ խաղակեսի սկզբնամասում պատկերը չփոխվեց: Կրկին դրության տերը գերմանացիներն էին, իսկ հոլանդացիները ոչ մի կերպ չէին կարողանում թեկուզ վտանգավոր պահեր ստեղծել Նոյերի պաշտպանած դարպասի մոտ: Այդուհանդերձ հանդիպման վերջնամասում Ռոբին վան Պերսիի անհատական գործողությունների և հեռահար դիպուկ հարվածից հետո հոլանդացիների հաջողվեց կրճատել հաշվի տարբերությունը, սակայն ավելին անել նրանց չհաջողվեց: Թվում էր, թե խաղի վերջնամասը կանցնի հոլանդացիների բուռն գրոհների ներքո, սակայն գերմանացիները կարողացան գրագետորեն կազմակերպել իրենց խաղը և ոչ մի շանս չտալով մրցակցին հանդիպումը մոտեցրեցին իր տրամաբանական ավարտին`2:1: Այսպիսով Գերմանիայի ազգային հավաքականը այս հաղթանակից հետո վաստակեց 6 միավոր և վստահորեն գլխավորեց "մահվան խմբի" մրցաշարային աղյուսակը: Յոահիմ Լյովի սաները խմբային փուլի վերջին հանդիպումը կանցկացնեն հունիսի 17-ին Դանիայի հավաքականի հետ: ՀՈԼԱՆԴԻԱ - ԳԵՐՄԱՆԻԱ 1:2 Եվրո 2012. D խումբ 13.06."Մետալիստ Արենա", Խարկով, 22:45 Գոլեր`վան Պերսի 73' - Գոմես 24',38' ՀՈԼԱՆԴԻԱ: Ստեկելենբուրգ - վան դեր Վիլ, Հեյտինգա, Մատեյսեն, Վիլեմս - վան Բոմել, Ն.Դե Յոնգ - Ռոբեն, Սնեյդեր, Աֆելայ - վան Պերսի Մարզիչ: վան Մարվիկ ԳԵՐՄԱՆԻԱ: Նոյեր - Բոատենգ, Հումելս, Բադշտուբեր, Լահմ - Խեդիրա, Կրոս - Մյուլլեր, Օզիլ, Պոդոլսկի - Գոմես Պահեստայիններ: Վիզե, Ցիլեր, Հյովեդես, Մերտեզակեր, Շմելցեր, Լ.Բենդեր, Գյոտցե, Գյունդողան, Ռոյս, Շվայնշտայգեր, Կլոզե, Շյուռլե Մարզիչ: Լյով Մրցավար: Էրիկսոն (Շվեդիա) ԽԱՂԻ ՀԵՐՈՍ ՄԱՐԻՈ ԳՈՄԵՍ
1 2 3 4 5 Դիտումներ: 1051 \| Ավելացրեց: Oliver \| Վարկանիշ: 0.0/0