Գերմանիայի ազգային հավաքականի գլխավոր մարզիչ Յոահիմ Լյովը հայտարարել է այն ֆուտբոլիստների անունները, ովքեր հրավիրվել են մասնակցելու Ղազախստանի և Ավստրալիայի հետ հանդիպումներին: Մարտի 26-ին Եվրո 2012-ի ընտրական փուլի շրջանակներում Գերմանիայի ազգային հավաքականը Մյունխենգլադբախի «Բորուսիա Պարկ» մարզդաշտում կընդունի Ղազախստանի ազգային ընտրանուն, իսկ մարտի 29-ին Կայզերսլաուտեռնի «Ֆրից Վալտեր» մարզադաշտում կհյուրընկալի Ավստրալիայի հավաքականին:
«Ղազախստանի հավաքականի հետ խաղում ցանկանում ենք հերթական հաղթանակը տոնել, որպեսզի խմբում ամրապնդենք մեր դիրքերը և ևս մեկ քայլ կատարենք դեպի եզրափակիչ մրցաշարի ուղեգիր նվաճելուն: Ավստրալիայի հետ հանդիպումը, որը լավ դրսևորեց իրեն այս տարվա սկզբում կայցած Ասիայի գավաթում`պետք է, որ բավականին հետքրքիր լինի: Այդ խաղում ցանկանում եմ մի քանի երիտասարդ ֆուտբոլիստների փորձարկել և բնականաբար այն խաղացողները, ովքեր պարբերաբար խաղացել են վերջին խաղերում կնձեռվի հանգստի իրավունք».-մարզչի խոսքերը մեջբերում է Գերմանիայի Ֆուտբոլի Միության պաշտոնական կայքը:
Դարպասպահներ: Նոյեր («Շալկե»), Ադլեր («Բայեր»), Վիզե («Վերդեր»);
Պաշտպաններ: Ֆրիդրիխ («Վոլֆսբուրգ»), Աոգո
(«Համբուրգ»), Բադշտուբեր, Լահմ (երկուսն էլ «Բավարիա»), Ժ.Բոատենգ («Մանչեսթեր Սիթի», Անգլիա), Հումելս,Շմելցեր (երկուսն էլ «Բորուսիա»Դ);
Կիսապաշտպաններ: Գյոթցե, Բենդեր (երկուսն էլ «Բորուսիա» Դ), Օզիլ, Խեդիրա (երկուսն էլ «Ռեալ», Իսպանիա), Շվայնշտայգեր, Կրոս, Մյուլլեր (բոլորը «Բավարիա»), Տրեշ («Շտուտգարտ»), Շյուռլե («Մայնց»);
Հարձակվողներ: Գոմես, Կլոզե (երկուսն էլ «Բավարիա»), Պոդոլսկի («Քյոլն»).