01:01 ՄԱՐԻՈ ԳՈՄԵՍԸ ՎՃՌՈՒՄ Է ԽԱՂԻ ԵԼՔԸ` 1:0 (ՏԵՍԱՆՅՈՒԹ) | |
Գերմանիան Մարիո Գոմեսի խփած միակ գոլի շնորհիվ կարողացավ նվազագույն հաշվով առավելության հասնել Պորտուգալիայի ընտրանու նկատմամբ և մրցաշարում վաստակեց իր առաջին միավորները : Խաղի մեկնարկային րոպեները անցան հավասար պայքարում: Չնայած, որ գերմանացիները ունեին տարածքային լուրջ առավելություն, սակայն գործը լուրջ գոլային պահերի չէր հասնում: Այդուհանդերձ առաջին լուրջ գոլային պահը ստեղծեցին պորտուգալացիները, երբ առաջին խաղակեսի վերջին րոպեին անկյունայինի խաղարկումից հետո Պեպեյի հարվածից հետո գնդակը դիպավ ուղղահայաց դարպասաձողին: Թիմերը ընբդմիջման գնացին գոլազուրկ ոչ-ոքի հաշվով: Երկրորդ խաղակեսում Բունդեսթիմը ավելի ակտիվ սկսեց և մեկնարկում հաշվի մեջ առաջ անցնելու համար մի քանի հիանալի հնարավորություններ ստացավ, բայց ամեն անգամ գերմանացիների մոտ չէր ստացվում վերջին հարվածը: Պարտքի տակ չէր մնում նաև Պորտուգալիայի հավաքանը և հարմար առիթի դեպքում դիմում էր հակագրոհների: Պաուլու Բենտուի սաները ի սկզբանե շեշտը դրել էին ամուր պաշտպանության և կտրուկ հակագրոհների վրա: Ինչ-որ չափով պորտուգալացիների մարտավարությունը աշխատեց, սակայն չտվեց այն արդյունքը, որը հավանաբար ակընկալում էին նրանք: Ինչ վերաբերվում է Յոահիմ Լյովի սաներին, ապա պետք է ասել, որ նրանց մոտ էլ որոշակի խաղային խոտան նկատվեց, սակայն վերջիվերջո գերմանացիները կարողացան հասնել իրենց համար ձեռնտու արդյունքի: Ամեն ինչ որոշվեց հանդիպման վերջնամասում, երբ 72-րդ րոպեին Սամի Խեդիրայի հիանալի փոխանցումից հետո գլխի դիպուկ հարվածով իր հավաքականին առաջ մղեց "Սուպեր" Մարիոն: Խաղի մնացած հատվածում Գերմանիայի հավաքականը կարողացավ անառիկ պահել սեփական դարխասը և արժանիորեն վաստակեց 3 միավոր:D խմբի առաջին երկու խաղերից հետո, որքան էլ, որ զարմանալի է Գերմանիայի հավաքականի հետ մեկտեղը Դանիան կիսում է առաջին և երկրորդ հորիզոնականները: Դանիացիները այսօրվա խաղում նույնպես նվազագույն հաշվով անակընկալ պարտության մատնեցին Հոլանդիայի ուժեղ հավաքականին: Մյուս խաղում գերմանացիները ուժերը կչափեն հոլանդացիների հետ: 9 հունիսի. "Լվով-Արենա". Լվով ԳԵՐՄԱՆԻԱ - ՊՈՐՏՈՒԳԱԼԻԱ - 1:0 (0:0) Գոլ: Գոմես 72' (1:0) ԳԵՐՄԱՆԻԱ: Նոյեր, Լահմ, Հումելս, Բադշտուբեր, Բոատենգ, Խեդիրա, Շվայնշտայգեր, Օզիլ (Կրոս 87'), Պոդոլսկի, Մյուլլեր (Բենդեր 90+4'), Գոմես (Կլոզե 80') ՊՈՐՏՈՒԳԱԼԻԱ: Պատրիսիու, Բրունու Ալվվեշ, Պեպե, Ժոաո Պերեյրա, Կոենտրաու, Վելոզու, Մոուտինյո, Մեյրելեշ (Վարելա 80'), Նանի, Ռոնալդու, Պոշտիգա (Օլիվեյրա 70') Զգուշացումներ: Պոշտիգա 13'; Բադշտուբեր 43'; Կոենտրաու 60'; Բոատենգ 69' Մրցավար: Ստեֆան Լաննուա (Ֆրանսիա) ԽԱՂԻ ՀԵՐՈՍ` ՄԱՐԻՈ ԳՈՄԵՍ Germany - Portugal (Gomez 1:0) Euro 2012 by Euro2012Stream Deutschland, und seine Vorrunden-Gegner | |
|
Մեկնաբանություններ: 3 | ||||||||
|